ଝାରସୁଗୁଡା: ବହୁଚର୍ଚ୍ଚିତ ନବ ଦାସ ହତ୍ୟା ମାମଲାର ଶୁଣାଣି ଆଜିଠାରୁ ଆରମ୍ଭ ହେଉଛି। ଏଥିପାଇଁ ଅଭିଯୁକ୍ତ ଗୋପାଳ ଦାସକୁ ଚୌଦ୍ବାର ଜେଲରୁ ଆଣି ଝାରସୁଗୁଡାରେ ପହଞ୍ଚିଛି କ୍ରାଇମବ୍ରାଞ୍ଚ ଟିମ୍। କଡ଼ା ସୁରକ୍ଷା ଭିତରେ ଗୋପାଳ ଦାସଙ୍କୁ ଝାରସୁଗୁଡା ନିଆଯାଇଛି। ପରେ ଗୋପାଳ ଦାସକୁ ଓଏସଏପି ବାଟାଲିଅନରୁ ଜେଏମଏଫସିଙ୍କ ଅଦାଲତକୁ ଅଣାଯାଇଛିl ଆଉ କିଛି ସମୟ ପରେ ଶୁଣାଣି ଆରମ୍ଭ ହେବ ବୋଲି ଜଣାପଡିଛିl ମାମଲାର ସମ୍ବେଦନଶୀଳତାକୁ ଆଖି ଆଗରେ ରଖି କୋର୍ଟ ପରିସରରେ ସୁରକ୍ଷା ବ୍ୟବସ୍ଥାକୁ କଡାକଡି କରାଯାଇଛି।
ନବ ଦାସଙ୍କୁ ଅତି ନିକଟରୁ ଗୋପାଳ ଗୁଳି କରି ହତ୍ୟା କରିଥିଲା। ଏହି ଘଟଣାରେ କ୍ରାଇମବ୍ରାଞ୍ଚକୁ ତଦନ୍ତ ଦାୟିତ୍ବ ଦେଇଥିଲେ ସରକାର। ଗୋପାଳ ଏକମାତ୍ର ଅଭିଯୁକ୍ତ ବୋଲି କ୍ରାଇମବ୍ରାଞ୍ଚ ତାର ରିପୋର୍ଟ ଦାଖଲ କରିଛି। ଚୂଡାନ୍ତ ରିପୋର୍ଟକୁ ଏବେ ବି ଅପେକ୍ଷା ରହିଛି। ଏଭଳି ପରିସ୍ଥିତିରେ ଶୁଣାଣିର ଗୁରୁତ୍ବ ବଢ଼ିଯାଇଛି।