- ଆଇନ୍ ଶୃଙ୍ଖଳା ଓ ଅପରାଧ ନିୟନ୍ତ୍ରଣ ପାଇଁ କମିଶନରେଟ୍ ପୋଲିସକୁ ସୋଆର ସହଯୋଗ
- ଖଣ୍ଡଗିରି ଥାନାକୁ ବୋଲେରୋ ପ୍ରଦାନ
ଭୁବନେଶ୍ୱର: ଆଇନ୍ ଶୃଙ୍ଖଳା ପରିସ୍ଥିତି ତଥା ଅପରାଧ ନିୟନ୍ତ୍ରଣ ନିମନ୍ତେ କମିଶନରେଟ ପୋଲିସ୍ ପ୍ରତି ସହଯୋଗର ହାତ ବଢ଼ାଇଛି ଶିକ୍ଷା ଓ ଅନୁସନ୍ଧାନ (ସୋଆ) ବିଶ୍ୱବିଦ୍ୟାଳୟ । ଏଥି ପାଇଁ ସୋଆ ପକ୍ଷରୁ ଖଣ୍ଡଗିରି ଥାନା ପୋଲିସ୍କୁ ଏକ ବୋଲେରୋ ନିଓ ଗାଡ଼ି ପ୍ରଦାନ କରାଯାଇଛି । ପୋଲିସ୍ କମିଶନରଙ୍କ କାର୍ଯ୍ୟାଳୟରେ ଏହି ଗାଡ଼ିଟିକୁ ଗୁରୁବାର ଦିନ ହସ୍ତାନ୍ତରକରାଯାଇଛି ।
ବିଶ୍ୱବିଦ୍ୟାଳୟ ପକ୍ଷରୁ ସୋଆ ପ୍ରତିଷ୍ଠାତା ସଭାପତି ପ୍ରଫେସର (ଡକ୍ଟର) ମନୋଜରଞ୍ଜନ ନାୟକଙ୍କ ଓଏସ୍ଡି ତଥା ଯୁଗ୍ମ ନିର୍ଦ୍ଦେଶକ ଶ୍ରୀ ସୁଧାଂଶୁ ପଟ୍ଟନାୟକ ପୋଲିସ କମିଶନର ଶ୍ରୀ ସୈାମେନ୍ଦ୍ର ପ୍ରିୟଦର୍ଶୀଙ୍କୁ ଏହି ଗାଡ଼ିର ଚାବି ପ୍ରଦାନ କରିଥିଲେ । ଏହି ଅବସରରେ ଭୁବନେଶ୍ୱର ଡିସିପି ଶ୍ରୀ ପ୍ରତୀକ ସିଂ ଓ ଖଣ୍ଡଗିରି ଥାନା ଆଇଆଇସି ଶ୍ରୀ ଦୟାନିଧି ନାୟକ ଉପସ୍ଥିତ ଥିଲେ ।
ପୂର୍ବରୁ ସୋଆ ପକ୍ଷରୁ ଭରତପୁର ଓ ପାହାଳ ଥାନାକୁ ମଧ୍ୟ ଦୁଇଟି ବୋଲେରୋ ପ୍ରଦାନ କରାଯାଇଥିଲା । ସୋଆର ଏହି କାର୍ଯ୍ୟକୁ ପୋଲିସ କମିଶନର ଶ୍ରୀ ପ୍ରିୟଦର୍ଶୀ ଉଚ୍ଚ ପ୍ରଶଂସା କରିବା ସହ କମିଶନରେଟ୍ ପୋଲିସ୍ ପ୍ରତି ସୋଆ ପ୍ରତିଷ୍ଠାତା ସଭାପତିଙ୍କ ଏହି ସହଯୋଗ ନିମନ୍ତେ କୃତଜ୍ଞତା ଜଣାଇଛନ୍ତି । ଏହା ଅନ୍ୟ ଅନୁଷ୍ଠାନଗୁଡ଼ିକ ପାଇଁ ପ୍ରେରଣା ଯୋଗାଇବ ବୋଲି ସେ କହିଛନ୍ତି ।