ପ୍ରମୁଖ ଖବର

ଖୁବ ଶୀଘ୍ର ୧୦ ଓ ୫୦୦ ଟଙ୍କା ନୂଆ ନୋଟ୍ ଆଣିବ ଆରବିଆଇ
ବଢ଼ିଲା ସଚିବ ଓ ବରିଷ୍ଠ ଅଧିକାରୀଙ୍କ ଜିଲ୍ଲା ଗସ୍ତ ଅବଧି
ଏପ୍ରିଲ ୧୧ରେ ଶୁଭାରମ୍ଭ ହେବ ଆୟୁଷ୍ମାନ୍ କାର୍ଡ
ଓଡିଶାର ୨ଟି ରେଳ ପ୍ରକଳ୍ପକୁ ମିଳିଲା କ୍ୟାବିନେଟ୍ ମଞ୍ଜୁରୀ
ମେଘନାଦ ପାଚେରୀରେ ମଗରମୁଣ୍ଡ ଭାଙ୍ଗିବା ଘଟଣାରେ ନିଆଯିବ କାର୍ଯ୍ୟାନୁଷ୍ଠାନ
ଭୁବନେଶ୍ୱରରେ ଦୁଇ ଲୁଟେରାଙ୍କୁ ଏନ୍‌କାଉଣ୍ଟର
ଭେଟେରାନ ଅଭିନେତା ମନୋଜ କୁମାରଙ୍କ ପରଲୋକ

ଚନ୍ଦ୍ରରେ ପାଦ ଥାପିବ ଚନ୍ଦ୍ରଯାନ

0

ବେଙ୍ଗାଲୁରୁ: ଆଉ କିଛି ଘଣ୍ଟା ପରେ ଭାରତକୁ ମିଳିବ ଏକ ବଡ ସଫଳତା। ଅର୍ଥାତ ସନ୍ଧ୍ୟା ୬ଟା ୪ ମିନିଟରେ ଚନ୍ଦ୍ର ପୃଷ୍ଠରେ ସଫ୍ଟ ଲ୍ୟାଣ୍ଡିଂ କରିବ ଚନ୍ଦ୍ରଯାନ-୩ । ମହାକାଶ ବିଜ୍ଞାନୀଙ୍କ ମତରେ ଚନ୍ଦ୍ରଯାନ ୩ର ସଫଳତା କେବଳ କିଛି ମିନିଟର ଖେଳ ଅଟେ। ଏହି ସମୟରେ ମହାକାଶ ଯାନକୁ ଚନ୍ଦ୍ରର କକ୍ଷ ଚାରିପଟେ ଘୁରି ସୁରକ୍ଷିତ ରୁପେ ଲ୍ୟାଣ୍ଡିଂ କରିବାକୁ ପଡିଥାଏ  । ମହାକାଶ ବିଜ୍ଞାନରେ ଏହାକୁ ଆତଙ୍କର ସାତ ମିନିଟ କୁହାଯାଏ। ୪ଟି ପର୍ଯ୍ୟାୟରେ ହେବ ଲ୍ୟାଣ୍ଡିଂ। ରଫ୍ ବ୍ରେକିଂ ସମୟରେ ଲ୍ୟାଣ୍ଡରର ବେଗ ସେକେଣ୍ଡ ପ୍ରତି ୧.୬ କିଲୋମିଟର ହେବ। ଏହା ୬୯୦ ସେକେଣ୍ଡ ପର୍ଯ୍ୟନ୍ତ ଚାଲିବ।

ପୂର୍ବଥର ଚନ୍ଦ୍ରଯାନ-୨ ନିଜର ଅଧିକ ଗତି ଓ ଟେକ୍ନୋଲୋଜିରେ ସମସ୍ୟା କାରଣରୁ ଇଞ୍ଜିନ ଖରାପ ହୋଇ ଲ୍ୟାଣ୍ଡ କରିବା ପୂର୍ବରୁ ହିଁ ଖସିପଡିଥିଲା । ତେଣୁ ଏଥର ଯେପରି କୌଣସି ସମସ୍ୟା ନରହିବ ସେଥିପାଇଁ ଚନ୍ଦ୍ରଯାନରେ ଅନେକ ପ୍ରକାର ସେନସର ଓ କ୍ୟାମେରା ଲାଗିଛି । ଏହାଛଡା ବିକ୍ରମ ଲ୍ୟାଣ୍ଡରରେ ଏଥର ୨ଟି ପରିବର୍ତ୍ତନ କରାଯାଇଛି ।

ପ୍ରଥମତଃ ଏଥିରେ ସେଫ୍ଟି ମୋଡ ସିଷ୍ଟମ ରଖାଯାଇଛି । ଯାହା କୌଣସି ପ୍ରକାର ଦୁର୍ଘଟଣାରୁ ବିକ୍ରମ ଲ୍ୟାଣ୍ଡରକୁ ବଞ୍ଚାଇବ । ସେଥିପାଇଁ ବିକ୍ରମ ଲ୍ୟାଣ୍ଡରରେ ୨ଟି ଅନବୋର୍ଡ କମ୍ପ୍ୟୁଟର ଲଗାଯାଇଛି । ଯାହା ବିକ୍ରମ ଲ୍ୟାଣ୍ଡର ପ୍ରତି ଆସୁଥିବା ପ୍ରତିଟି ବିପଦ ବାବଦରେ ଆଗୁଆ ସୂଚନା ଦେବ । ଆଜି ଚନ୍ଦ୍ରପୃଷ୍ଠରେ ଲ୍ୟାଣ୍ଡିଂ କରିବା ପରେ ବିକ୍ରମ ନିଜର କାମ ଆରମ୍ଭ କରିଦେବ । ବିକ୍ରମ ଲ୍ୟାଣ୍ଡର ମଧ୍ୟରୁ ରୋଭର ବାହାରିବା ସହ ଚନ୍ଦ୍ରପୃଷ୍ଠର ୫୦୦ ମିଟର ପର୍ଯ୍ୟନ୍ତ ଚାଲିବା ସହ ସେଠାକାର ବାତାବରଣ ବାବଦରେ ଇସ୍ରୋକୁ ସୂଚନା ଦେବ ।

Leave A Reply

Your email address will not be published.