ଜଗତସିଂହପୁର: ଭାରତ-ପାକ୍ ଉତ୍ତେଜନାକୁ ଦୃଷ୍ଟିରେ ରଖି ପାରାଦୀପ ବନ୍ଦର ସୁରକ୍ଷା ଶୁକ୍ରବାର ବୃଦ୍ଧି କରାଯାଇଛି । ପାରାଦୀପ ବନ୍ଦର ସୁରକ୍ଷା ସ୍ତର ୨କୁ ବୃଦ୍ଧି କରାଗଲା । ସୁରକ୍ଷା ସ୍ତର ବୃଦ୍ଧି ସହ ସମସ୍ତ ଜାହାଜ ଉପରେ ରଖାଯାଇଛି କଡା ନଜର । ସୁରକ୍ଷାକର୍ମୀଙ୍କ ସଂଖ୍ୟା ବୃଦ୍ଧି କରାଯିବା ସହ ପାଟ୍ରୋଲିଂ ବ୍ୟବସ୍ଥା ମଧ୍ୟ କଡାକଡି କରାଯାଇଛି ।
ସେପଟେ ସବୁ ଏଟିଏମ୍ ସହ ଡିଜିଟାଲ ସେବା ସ୍ୱାଭାବିକ ଚାଲୁଛି ବୋଲି ଏସବିଆଇ ପକ୍ଷରୁ ସୂଚନା ମିଳିଛି । କୌଣସି ଗୁଜବକୁ ବିଶ୍ୱାସ ନକରିବାକୁ ଏସବିଆଇ ପରାମର୍ଶ ଦେଇଛି । ସାଂପ୍ରତିକ ପରିସ୍ଥିତି ମଧ୍ୟରେ ଏବେ ଜଳ ସ୍ଥଳ ଆକାଶ ସବୁ ଉପରେ ସୁରକ୍ଷାର ଜାଲ ବିଛାଇଲେଣିି ସୁରକ୍ଷାକର୍ମୀ। ସବୁଠିି ହାଇ ଆଲର୍ଟ ସାଙ୍ଗକୁ କଟକଣା ଜାରି ହୋଇଛି। ବିଶେଷ କରି ଏବେ ଚେଇଁ ରହିଛି ଜଳ ପଥ। ଏହାରି ଭିତରେ ଉତ୍ତେଜନାକୁ ଦୃଷ୍ଟିରେ ରଖି ପାରାଦୀପ ବନ୍ଦର ସୁରକ୍ଷାକୁ ବୃଦ୍ଧି କରାଯାଇଛି। ରାଜ୍ୟ ସରକାର ରାଜ୍ୟର ବିଭିନ୍ନ ସ୍ଥାନରେ ସୁରକ୍ଷା ବ୍ୟବସ୍ଥାକୁ କଡାକଡି କରିଛନ୍ତି। ଭୁବନେଶ୍ୱର ବିମାନବନ୍ଦର ଠାରୁ ଆରମ୍ଭ କରି ସ ଲାଇଟ୍ ହାଉସ, ପୁରୀ ଶ୍ରୀମନ୍ଦିର, ହୀରାକୁଦ ଡ଼୍ୟାମ ସମସ୍ତ ଅନେକ ପ୍ରମୁଖ ସ୍ଥଳରେ ଆଲର୍ଟ ଜାରି କରିଛନ୍ତି।
ପାକିସ୍ତାନ ଦ୍ୱାରା ପ୍ରତିଶୋଧର ସମ୍ଭାବନାକୁ ଦୃଷ୍ଟିରେ ରଖି, ଭାରତ ସ୍ଥଳ, ବାୟୁ ଏବଂ ସମୁଦ୍ର କ୍ଷେତ୍ରରେ ଏହାର ପ୍ରତିରକ୍ଷାକୁ ଦୃଢ଼ କରିଛି। ବହୁସ୍ତରୀୟ ବାୟୁ ପ୍ରତିରକ୍ଷା ନେଟୱାର୍କ ସମ୍ପୂର୍ଣ୍ଣ ସକ୍ରିୟ ହୋଇଛି, ଆରବ ସାଗରରେ ଅନେକ ଆଗଧାଡ଼ିର ଯୁଦ୍ଧଜାହାଜ ମୁତୟନ କରାଯାଇଛି, ଏବଂ ସୀମାରେ ଥିବା ପଦାତିକ ୟୁନିଟଗୁଡ଼ିକ ସମ୍ପୂର୍ଣ୍ଣ ଭାବରେ ସଜ୍ଜିତ ଏବଂ ଯେକୌଣସି ଆକସ୍ମିକ ପରିସ୍ଥିତିର ମୁକାବିଲା ପାଇଁ ପ୍ରସ୍ତୁତ ରହିଛି। ଆଇଏଏଫ୍ ଲଢ଼ୁଆ ବିମାନ ଦ୍ୱାରା ଉଡ଼ାଯାଉଥିବା ଯୁଦ୍ଧ ବିମାନ ପାଟ୍ରୋଲ୍ ମଧ୍ୟରେ, ଦେଶର ପରମାଣୁ ଅସ୍ତ୍ରାଗାର ପରିଚାଳନା କରୁଥିବା ତ୍ରି-ସେବା ଷ୍ଟ୍ରାଟେଜିକ୍ ଫୋର୍ସ କମାଣ୍ଡକୁ ମଧ୍ୟ ପ୍ରଚୁର ସତର୍କତାମୂଳକ ପଦକ୍ଷେପ ସ୍ୱରୂପ ହାଇ ଆଲର୍ଟରେ ରଖାଯାଇଛି।