ପ୍ରମୁଖ ଖବର

ବାତ୍ୟା ଆଶଙ୍କା: ମାଲକାନଗିରିରେ ୧୯ ଓ ୨୦ରେ ସ୍କୁଲ୍‌, କଲେଜ ଛୁଟି
ଆଇପିଏଲ୍‌ରୁ ସନ୍ନ୍ୟାସ ନେଲେ ଧୋନି
ଭାସ୍କର ଜ୍ୟୋତି ଶର୍ମାଙ୍କୁ ଓଏଫଡିସି ଅଧ୍ୟକ୍ଷ ଦାୟିତ୍ୱ
ଦିଲ୍ଲୀରେ ପୁରୁଣା କୋଠାର ଛାତ ଭୁଶୁଡ଼ି ୨ ମୃତ, ୪ ଆହତ
ସରକାରୀ କର୍ମଚାରୀଙ୍କ ୩% ବଢ଼ିଲା ମହଙ୍ଗା ଭତ୍ତା, ଏବେ ମିଳିବ ୬୩%
ଶୀତ ଅଧିବେଶନ ପାଇଁ କଡ଼ା ସୁରକ୍ଷା, ବାଚସ୍ପତିଙ୍କ ଅଧ୍ୟକ୍ଷତାରେ ସର୍ବଦଳୀୟ ବୈଠକ

ପୁଣି ବଢ଼ିଲା ବସ୍ ଭଡ଼ା

0

ଭୁବନେଶ୍ବର; ରାଜ୍ୟରେ ପୁଣି ଥରେ ବସ୍ ଭଡ଼ା ବୃଦ୍ଧି କରିଛନ୍ତି ସରକାର। ତୈଳ ଦର ବୃଦ୍ଧି ଏବଂ ଘରୋଇ ବସ୍ ମାଲିକ ସଂଘର ଦାବିକୁ ଦୃଷ୍ଟିରେ ରଖି ସାଧାରଣ ଓ ଏକ୍ସପ୍ରେସ୍ ବସ୍ ଭଡ଼ା କିଲୋମିଟର ପିଛା ୨ ପଇସା ବଢ଼ାଯାଇଛି। ନୂଆ ଦର ଅନୁସାରେ ସାଧାରଣ ବସ୍ ଭଡ଼ା କିମି ପିଛା ୯୦ ପଇସାରୁ ବୃଦ୍ଧି ପାଇ ୯୨ ପଇସା ହୋଇଥିବା ବେଳେ ଏକ୍ସପ୍ରେସ୍ ବସ୍ ଭଡ଼ା ୯୪ ପଇସାରୁ ବଢ଼ି ୯୬ ପଇସା ହୋଇଛି।

ସେହିପରି ଡିଲକ୍ସ ବସ୍ ଭଡ଼ା କିମି ପିଛା ୧ ଟଙ୍କା ୩୧ ପଇସାରୁ ବଢ଼ି ୧ ଟଙ୍କା ୩୫ ପଇସା ହୋଇଛି। ଏସି ଡିଲକ୍ସ ବସ୍ ଭଡ଼ା ୧ ଟଙ୍କା ୫୯ ପଇସାରୁ ବୃଦ୍ଧି ପାଇ ୧ ଟଙ୍କା ୬୩ ପଇସାକୁ ପହଞ୍ଚିଛି। ସୁପର ଡିଲକ୍ସ ବସ୍ ଭଡ଼ା ମଧ୍ୟ ୨ ଟଙ୍କା ୪୭ ପଇସାରୁ ବଢ଼ି ୨ ଟଙ୍କା ୫୩ ପଇସା ହୋଇଛି। ତୈଳ ଦର ବୃଦ୍ଧି ପରେ ବସ୍ ପରିଚାଳନା ଖର୍ଚ୍ଚ ବଢ଼ିଥିବା ଦର୍ଶାଇ ଘରୋଇ ବସ୍ ମାଲିକ ସଂଘ ଭଡ଼ା ବୃଦ୍ଧି ପାଇଁ ଦାବି କରିଥିଲା। ଦାବି ପୂରଣ ନହେଲେ ଜୁନ୍ ୧୧ ତାରିଖରୁ ବସ୍ ଚଳାଚଳ ବନ୍ଦ କରିବାକୁ ମଧ୍ୟ ସଂଘ ଚେତାବନୀ ଦେଇଥିଲା। ଏହାପରେ ସରକାର ଭଡ଼ା ବୃଦ୍ଧି ନିଷ୍ପତ୍ତି ନେଇଛନ୍ତି।

ଗତ କିଛି ଦିନ ମଧ୍ୟରେ ଏହା ଦ୍ୱିତୀୟ ଥର ପାଇଁ ବସ୍ ଭଡ଼ା ବୃଦ୍ଧି ହୋଇଥିବାରୁ ସାଧାରଣ ଯାତ୍ରୀଙ୍କ ଉପରେ ଅତିରିକ୍ତ ଆର୍ଥିକ ବୋଝ ପଡ଼ିବ। ବିଶେଷକରି ଦୈନିକ ଯାତାୟାତ କରୁଥିବା ଯାତ୍ରୀ ଏବଂ ଦୂରପାଲ୍ଲା ଯାତ୍ରୀମାନେ ଏହି ଭଡ଼ା ବୃଦ୍ଧିର ପ୍ରଭାବ ଅଧିକ ଅନୁଭବ କରିବେ।

Leave A Reply

Your email address will not be published.