ଆଜି ଟି-୨୦ ବିଶ୍ୱକପରେ ମୁହାଁମୁହିଁ ହେବେ ଭାରତ ନ୍ୟୁଜିଲାଣ୍ଡ ।ଏହି ମ୍ୟାଚରେ କଡ଼ା ଟକ୍କର ଦେଖିବାକୁ ମିଳିବ । ଦୁବାଇ ଅନ୍ତର୍ଜାତୀୟ ଷ୍ଟାଡିୟମରେ ହେବାକୁ ଥିବା ଏହି ମ୍ୟାଚରେ ସେମିଫାଇନାଲ ରେସରେ ରାସ୍ତା ସୁରକ୍ଷିତ ରଖିବାକୁ ଉଭୟ ଦଳକୁ ଜୋରଦାର ସଂଘର୍ଷ କରିବାକୁ ପଡିବ । ଯେଉଁ ଦଳ ଆଜି ମ୍ୟାଚରେ ପରାଜିତ ହେବ ତାକୁ ସେମିଫାଇନାଲ ଯିବାକୁ କଷ୍ଟକର ହେବ ।ତେଣୁ ଆଜିର ମ୍ୟାଚ ଉଭଙ୍କ ପାଇଁ କର ବା ମର ସ୍ଥିତି । ତେବେ ନ୍ୟୁଜିଲାଣ୍ଡ ବିପକ୍ଷରେ ଟିମ ଇଣ୍ଡିଆ କି ପ୍ରକାର ରଣନୀତି ଆପଣାଇବା ତାହା ଦେଖିବାକୁ ରହିଲା ।
ବିଶ୍ୱକପ ପ୍ରଥମ ମ୍ୟାଚରେ ପାକିସ୍ତାନ ନିକଟରୁ ଲଜ୍ୟାଜନକ ପରାସ୍ତ ପରେ ନ୍ୟୁଜିଲାଣ୍ଡକୁ ମାତ ଦେବାକୁ ଲକ୍ଷ୍ୟ ରଖିଛି ଟିମ ଇଣ୍ଡିଆ । ଗତ ମ୍ୟାଚରେ ଓପନର ରୋହିତ ଶର୍ମା ଖାତା ଖୋଲିବା ପୂର୍ବରୁ ପାଭିଲିୟନ ଫେରିଯାଇଥିଲେ । କେ.ଏଲ ରାହୁଲ କେବେଳ ୩ ରନ କରିଥିଲେ । ବିରାଟ କୋହଲି ୫୭ ରନର ଅଧିନାୟକ ଇନିଂସ ଖେଳିଥିଲେ । ସେହିପରି ପନ୍ଥ ୩୯ ରନ କରିଥିଲେ । ଭାରତୀୟ ଦଳ ୭ ୱିକେଟ ହରାଇ ୧୫୧ ରନ ସଂଗ୍ରହ କରିଥିଲା । ଦଳର ବୋଲର ମାନେ ମଧ୍ୟ ଗତ ମ୍ୟାଚରେ ଗୋଟିଏ ୱିକେଟ ବି ପାଇପାରିନଥିଲେ ।
ସେହିପରି ନ୍ୟୁଜିଲାଣ୍ଡ ଦଳ ମଧ୍ୟ ପୂର୍ବ ମ୍ୟାଚରେ ପାକିସ୍ତାନ ଦଳଠୁ ପରାସ୍ତ ହୋଇଛି । ୨୦ ଓଭରରେ ୮ ୱିକେଟ ହରାଇ ଟିମ ମାତ୍ର ୧୩୪ ରନ ସଂଗ୍ରହ କରିଥିଲା । ଦଳର କୌଣସି ବ୍ୟାଟସ ମ୍ୟାନ ୩୦ ରନ ଛୁଇଁପାରନଥିଲେ । ସେହିପରି ବୋଲିଂ କଥା କହିବା ତ, ସ୍ପିନର ଇଶ ସୋଡ଼ି ଦୁଇଟି ୱିକେଟ ନେଇଥିବା ବେଳେ ଟିମ ସାଉଥୀ ,ଟ୍ରେ ବୋଲ୍ଟ,ଏବଂ ମିଚେଲ ସା ନର , ଗୋଟିଏ ଲେଖାଁଏ ୱିକେଟ ନେଇଥିଲେ ।
ତେବେ ଆଜି ମ୍ୟାଚରେ କାହାର ପଲ୍ଲା ଭାରି ରହିବ । ପୂର୍ବ ରେକର୍ଡ ଉପରେ ଯଦି ନଜର ପକାଇବା, ନ୍ୟୁଜିଲାଣ୍ଡ ପଲ୍ଲା ଭାରି ରହିଛି । ୨୦୦୩ ବିଶ୍ୱକପ ପରେ ଭାରତୀୟ ଦଳ ଆଇସିସି ଟୁର୍ଣ୍ଣାମେ ରେ ଏପର୍ଯ୍ୟନ୍ତ ନ୍ୟୁଜିଲାଣ୍ଡକୁ ପରାସ୍ତ କରିପାରିନାହିଁ । ୨୦୦୭ରେ ଭାରତକୁ ଟି ୨୦ ବିଶ୍ୱକପରେ ନ୍ୟୁଜିଲାଣ୍ଡ ବିପକ୍ଷରେ ପରାଜୟର ସାମନା କରିବାକୁ ପଡିଥିଲା । ଏହା ପରେ ୨୦୧୬ ମସିହା ଟି ୨୦ ବିଶ୍ୱକପରେ ମଧ୍ୟ ଭାରତୀୟ ଦଳ ପରାଜିତ ହୋଇଥିଲା । ୨୦୧୯ରେ ଓଡିଆଇ ବିଶ୍ୱକପରେ ଦୁଇ ଦଳ ମଧ୍ୟରେ ଏକ ମ୍ୟାଚ ଅସଂପୂର୍ଣ୍ଣ ଥିବା ବେଳେ ୨୦୧୯ ଓଡିଆଇ ବିଶ୍ୱକପର ଫାଇନାଲରେ ଭାରତ ୧୮ ରନରେ ପରାସ୍ତ ହୋଇଥିଲା । ସେହି ବର୍ଷ ଅନୁଷ୍ଠିତ ବିଶ୍ୱ ଟେଷ୍ଟ ଚାମ୍ପିଅନସିପ ଫାଇନାଲରେ ନ୍ୟୁଜିଲାଣ୍ଡ ଦଳ ଭାରତକୁ ପରାସ୍ତ କରିଥିଲା ।
ଭାରତୀୟ ଦଳ ପାଖରେ ରୋହିତ ଶର୍ମା,ବିରାଟ କୋହଲି, କେ.ଏଲ ରାହୁଲଙ୍କ ଭଳି ବ୍ୟାଟସ ମ୍ୟାନ ଅଛନ୍ତି । ଏହା ବ୍ୟତୀତ ଜସପ୍ରୀତ ବୁମ୍ରା, ମହମ୍ମଦ ଶାମି ଓ ଭୁବନେଶ୍ୱର କୁମାରଙ୍କ ପରି ଅଭିଜ୍ଞ ବୋଲର ଅଛନ୍ତି, ଯେଉଁମାନେ ମ୍ୟାଚର ଗତି ବଦଳାଇପାରିବ । ଅନ୍ୟପଟେ ନ୍ୟୁଜିଲାଣ୍ଡ ଦଳରେ କେନ ୱିଲିୟମସନ, ମାର୍ଟିନ ଗୁପଟିଲଙ୍କ ପରି ବ୍ୟାଟସ ମ୍ୟାନ ଅଛନ୍ତିା ସେହିପରି ବୋଲିଂ କଥା କହିଲେ, ଟ୍ରେ ବୋଲ୍ଟ,ଟିମ ସାଉଦୀଙ୍କ ବ୍ୟତୀତ, ସ୍ୱିନର ଇଶ ସୋଡିଙ୍କ ବୋଲିଂ ଭାରତୀୟ ବ୍ୟାଟ୍ସମ୍ୟାନ ମାନଙ୍କ ପାଇଁ ଅସୁବିଧା ସୃଷ୍ଟି କରିପାରେ । ତେବେ ଆଜିର ମ୍ୟାଚ ଉଭୟ ଦଳ ପାଇଁ ଗୁରୁତ୍ୱପୂର୍ଣ୍ଣ ଅଟେ ।