ଭୁବନେଶ୍ବର; ରାଜ୍ୟରେ ରକ୍ତହୀନତା ରୋଗକୁ ଦୂର କରିବା ଦିଗରେ ରାଜ୍ୟ ସରକାର ଆଉ ଏକ ପାଦ ଆଗକୁ ବଢାଇଛନ୍ତି । ଏଣିକି ରକ୍ତହୀନତା ରୋଗରୁ ମୁକ୍ତ ହେବ ଓଡିଶା । ରାଜ୍ୟରେ ଯେପରି କେହି ରକ୍ତହୀନତା ରୋଗୀ ରହିବେନି ସେଥିପାଇଁ ଆଜି ‘ଅମ୍ଳାନ’ ଯୋଜନାର ଶୁଭାରମ୍ଭ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।
ଏହି ଯୋଜନାରେ ଲାଭବାନ ହେବେ ୧.୩୭ କୋଟି ଲୋକ । ଏଥିସହିତ ୫୫ ହଜାର ସରକାରୀ ସ୍କୁଲ ଓ ୭୪ ହଜାର ଅଙ୍ଗନଓ୍ବାଡିରେ ଲାଗୁହେବ ଏହି ଯୋଜନା ।ବିଶେଷ କରି ଯୋଜନାର ଫୋକସ୍ ରେ ରହିବେ ଶିଶୁ , ମହିଳା ଓ ଗର୍ଭବତୀ ମହିଳା। ପୂର୍ବରୁ ରାଜ୍ୟରେ କିଭଳି ଭାବେ ରକ୍ତ ଅଭାବ ରୁ କାହାରି ମୃତ୍ୟୁ ନଘଟେ ତାହାକୁ ଗୁରୁତ୍ୱ ଦେଇ ଆସିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। ଏବେ ରାଜ୍ୟରେ ରକ୍ତହୀନତା ରୋଗକୁ ଦୂର କରିବା ଲକ୍ଷ୍ୟରେ ଏଭଳି ପଦକ୍ଷେପ ନେଇଛନ୍ତି ନବୀନ।