ଭୁବନେଶ୍ବର: ଏଣିକି ରାଜ୍ୟ ରେ ବୃଦ୍ଧି ପାଇବ ଗରମ ଓ ଗୁଳୁଗୁଳି ର ପ୍ରଭାବ। ଅନେକ ଅଞ୍ଚଳ ରେ ଦିନ ତାପମାତ୍ରା କ୍ରମଶଃ ବୃଦ୍ଧି ପାଇବାର ସମ୍ଭାବନା ରହିଛି। ଆସନ୍ତା ୩ ଦିନ ମଧ୍ୟରେ ଦିନ ତାପମାତ୍ରା ପ୍ରାୟ ୩-୫°ସି ଯାଏଁ ବୃଦ୍ଧି ସମ୍ଭାବନା ରହିଛି। ପଶ୍ଚିମ ଓ ଆଭ୍ୟନ୍ତର ଓଡ଼ିଶା ର କିଛି ଅଞ୍ଚଳ ରେ ଦିନ ତାପମାତ୍ରା ୪୨.୦°ସି ଉପରେ ରହିପାରେ। ସମ୍ବଲପୁର, ଝାରସୁଗୁଡା, ବଲାଙ୍ଗୀର, ସୋନପୁର, ବୌଦ୍ଧ, ନୂଆପଡ଼ା, ବରଗଡ଼, କଳାହାଣ୍ଡି, ଅନୁଗୁଳ ଇତ୍ୟାଦି ଅଞ୍ଚଳ ର କିଛି ଅଞ୍ଚଳ ରେ ତାପମାତ୍ରା ଅଧିକ ରହିବା ସହ ଗ୍ରୀଷ୍ମ ଲହରୀ ପ୍ରବାହ ହେବାର ସମ୍ଭାବନା ରହିଛି।
ସେହିପରି ଉପକୂଳ ଓଡ଼ିଶା ରେ ମଧ୍ୟ ତାପମାତ୍ରା ଅଧିକ ରହିବ। ୨୩-୨୪ ତାରିଖ ବେଳକୁ ରାଜଧାନୀ ଭୁବନେଶ୍ଵର ରେ ଦିନ ତାପମାତ୍ରା ୪୦.୦°ସି ପହଞ୍ଚିବାର ସମ୍ଭାବନା ରହିଛି। ଉପକୂଳ ଓଡ଼ିଶା ରେ ଗୁଳୁଗୁଳି ମଧ୍ୟ ଅନୁଭୂତ ହେବ। ଆସନ୍ତା ୨୪ ଘଣ୍ଟା ମଧ୍ୟରେ ରାଜ୍ୟ ର କିଛି ଅଞ୍ଚଳ ରେ ବିଜୁଳି ଘଡଘଡି ସହ ବର୍ଷା ସମ୍ଭାବନା ରହିଛି।
ପୂର୍ବାନୁମାନ- ଅଧ୍ୟାପକ ସାର୍ଥକ ମିଶ୍ର