ନ୍ୟୁଜ୍ ବ୍ୟୁରୋ: ରାସନ ଦୁର୍ନୀତି ଓ ମନି ଲଣ୍ଡରିଂ ମାମଲାରେ ପଚରାଉଚରା ପାଇଁ ପୂର୍ବତନ ଟିଏମସି ସାଂସଦ ଓ ବଙ୍ଗୀୟ ଅଭିନେତ୍ରୀ ନୁସରତ ଜାହାନ କଲକାତା ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି) କାର୍ଯ୍ୟାଳୟରେ ହାଜର ହୋଇଛନ୍ତି। ଇଡି ପକ୍ଷରୁ ଗତ ୨୦ ତାରିଖରେ ସମନ ଜାରି ହୋଇଥିଲା। ସମନ ସମୟରେ ବିଦେଶରେ ଥିବାରୁ ସେ ଦିଲ୍ଲୀ ମୁଖ୍ୟାଳୟରେ ହାଜର ହେବାକୁ ଅନୁରୋଧ କରିଥିଲେ, କିନ୍ତୁ ଏହା ଖାରଜ ହେବା ପରେ ସେ ଆଜି ସଲ୍ଟ ଲେକ୍ ଅବସ୍ଥିତ ଇଡି କାର୍ଯ୍ୟାଳୟରେ ପହଞ୍ଚିଛନ୍ତି।
୨୦୨୦ରେ କୋଭିଡ୍-୧୯ ଲକଡାଉନ୍ ସମୟରେ ବାଂଲାଦେଶକୁ ଗହମ ଓ ଚାଉଳ ଚୋରା ଚାଲାଣ ଘଟଣାରେ ବସିରହାଟ ସୀମାଞ୍ଚଳରୁ ଅନେକ ଟ୍ରକ ଜବତ କରାଯାଇଥିଲା। ସେ ସମୟରେ ନୁସରତ ଜାହାନ ବସିରହାଟର ସାଂସଦ ଥିଲେ। ଏହି ଘଟଣାର ତଦନ୍ତ ସମୟରେ ଅନେକଙ୍କ ନାମ ସାମ୍ନାକୁ ଆସିଥିବାରୁ ନୁସରତଙ୍କୁ ଏହି ମାମଲାରେ ପଚରାଉଚରା ପାଇଁ ଡାକାଯାଇଛି।