ଡ. କ୍ରିଷନ୍ କୁମାରଙ୍କ ନେତୃତ୍ୱରେ ଚାଲିଛି ପ୍ରସ୍ତୁତି
ଭୁବନେଶ୍ୱର: ଭୀଷଣରୁ ଅତି ଭୀଷଣ ରୂପ ନେଇ ଆସୁଥିବା ବାତ୍ୟା ଫନି ମୁକାବିଲା ପାଇଁ ରାଜଧାନୀ ଭୁବନେଶ୍ୱରରେ ପ୍ରସ୍ତୁତି ଆରମ୍ଭ ହୋଇଛି । ପୂର୍ତ ଓ ସମବାୟ ସଚିବ ଡ. କ୍ରିଷନ୍ କୁମାର ଆଜି ସମସ୍ତ ଅଧିକାରୀଙ୍କର ଏକ ବୈଠକ କରି ସ୍ଥିତି ସମୀକ୍ଷା କରିଛନ୍ତି ।
ରାଜଧାନୀରେ ପାଖାପାଖି ୩୦୦ ମିଲିମିଟର ବର୍ଷା ହୋଇପାରେ ବୋଲି ଆକଳନ କରାଯାଉଛି । ଏପରିହେଲେ ଜନଜୀବନ ବିପର୍ଯ୍ୟସ୍ତ ହୋଇପାରେ । ଏଣୁ କୌଣସି ବି ସ୍ଥାନରେ ଯେମିତି କ୍ଷୟକ୍ଷତି ନ ଘଟେ ସେ ନେଇ ତନାଘନା ଆରମ୍ଭ ହୋଇଯାଇଛି । ଡ୍ରେନ୍ ସଫା ସହିତ ନୀଚ୍ଚା ସ୍ଥାନରେ ପମ୍ପ ଲଗାଯାଇଛି । ଅତି ସମ୍ୱେଦନଶୀଳ ସ୍ଥାନ ଚିହ୍ନଟ କରାଯାଇ ସେଠାରେ ଅଧିକାରୀମାନଙ୍କୁ ଦାୟିତ୍ୱ ଦିଆଯାଇଛି । ନିଜେ ଡ. କ୍ରିଷନ୍କୁମାର ଏହାର ତଦାରଖ କରୁଛନ୍ତି । ତୁରନ୍ତ ଗଛ କଟା, ବିଦ୍ୟୁତ ବ୍ୟବସ୍ଥାରେ ସୁଧାର ଆଣିବ ପାଇଁ ସେସୁକୁ ଆବଶ୍ୟକ ପ୍ରସ୍ତୁତ କରିବା ଲାଗି ନିର୍ଦେଶ ଦିଆଯାଇଛି ।