ଏଣେ ସହାୟତା, ସେଣେ ଉଜୁଡିଗଲାଣି

୨୨ ତାରିଖରୁ ରାଜ୍ୟର ସମସ୍ତ ଶୀତଳଭଣ୍ଡାର ବନ୍ଦ
ଆଳୁ ମିସନ ଫେଲ୍‍, ଉପùାଦନ ବଢିବା ବଦଳରେ କମୁଛି
ଖାଲି ପଡୁଛି ଶୀତଳଭଣ୍ଡାର, ବିଦ୍ୟୁତ ରିହାତି ବି ମିଳୁନି
ଭୁବନେଶ୍ୱର:ରାଜ୍ୟ ସରକାର ୨୦୧୫ରେ ଆଳୁ ମିସନ ଘୋଷଣା କରିଥିଲେ । ଆଳୁ ଉପùାଦନ ବୃଦ୍ଧି ସହିତ ସଂରକ୍ଷଣ ପାଇଁ ୧୧୨ଟି ଶୀତଳଭଣ୍ଡାର ନିର୍ମାଣ ପାଇଁ ଲକ୍ଷ୍ୟ ରଖାଯାଇଥିଲା । ଏଥିରୁ ୨୬ଟି ଶୀତଳଭଣ୍ଡାର ନିର୍ମାଣ ହୋଇପାରିଲା । ଏବେ ଏସବୁ ମଧ୍ୟରୁ ୨୪ଟିର ସ୍ଥିତି ଦୟନୀୟ ହୋଇଗଲାଣି । ରାଜ୍ୟ ସରକାର ଯଦି ତୁରନ୍ତ ହସ୍ତକ୍ଷେପ ନ କରିବେ, ତେବେ ଆସନ୍ତା ୨୨ ତାରିଖରୁ ରାଜ୍ୟର ସମସ୍ତ ଘରୋଇ ଶୀତଳଭଣ୍ଡାରକୁ ବନ୍ଦ କରି ଦିଆଯିବ ।
ଆଜି ସ୍ଥାନୀୟ କେଶରୀ ହୋଟେଲ ପରିସରରେ ଅନୁଷ୍ଠିତ ଏକ ସାମ୍ୱାଦିକ ସମ୍ମିଳନୀରେ ରାଜ୍ୟ ଶୀତଳଭଣ୍ଡାର ସଂଘ ଏପରି ସୂଚନା ଦେବା ପରେ ରାଜ୍ୟ ସରକାରଙ୍କର କୃଷି ପ୍ରତି ଥିବା ଆନ୍ତିରକତା ନେଇ ପ୍ରଶ୍ନ ଉଠିଛି । ଗୋଟିଏ ପଟେ ମୁଖ୍ୟମନ୍ତ୍ରୀ କାଳିଆ ସହାୟତା ଘୋଷଣା କରି ଚାଷୀଙ୍କ ଆର୍ଥିକ ମାନଦଣ୍ଡ ସଜାଡିବା ଲାଗି ଉଦ୍ୟମ ଚଳାଇଥିବା ବେଳେ ଅନ୍ୟପଟରେ କୃଷି ବିଭାଗର ବଡପଣ୍ଡାମାନଙ୍କ ଉଦାସୀନ ମନୋଭାବ କାରଣରୁ ରାଜ୍ୟରେ ଶୀତଳଭଣ୍ଡାର ବ୍ୟବସ୍ଥା ଭୁଶୁଡିଯିବା ପରିସ୍ଥିତିକୁ ଆସିଗଲାଣି ।
ସଂଘର କହିବା କଥା ହେଉଛି, ଅଢେଇରୁ ତିନି କୋଟି ଟଙ୍କା ବ୍ୟୟରେ ଶୀତଳଭଣ୍ଡାର କରାଯାଇଥିଲା । ସରକାର ସେତେବେଳେ କହିଥିଲେ ଯେ ଆଳୁ ମିସନ କାରଣରୁ ଉପùାଦନ ବୃଦ୍ଧି ପାଇବ ଓ ଏସବୁ ଶୀତଳଭଣ୍ଡାରରେ ମହଜୁଦ ରହିବ । ମାତ୍ର ଏସବୁ ଶୀତଳଭଣ୍ଡାର ବର୍ଷତମାମ ଖାଲି ପଡି ରହୁଛି । ୩ବର୍ଷ ପୂର୍ବେ ରାଜ୍ୟରେ ୨ଲକ୍ଷ ଟନ୍‍ ଆଳୁ ଉପùାଦନ ହେଉଥିଲା । ଏବେ ତାହା ବଢିବା ପରିବର୍ତେ କମିବାରେ ଲାଗିଛି । ରାଜ୍ୟ ବାହାରର ଆଳୁ ଏହି ଶୀତଳଭଣ୍ଡାରରେ ରଖିବା ମଧ୍ୟ ସମ୍ଭବ ହେଉନାହିଁ ।
ଶୀତଳଭଣ୍ଡାର ମାଲିକମାନଙ୍କର କହିବା କଥା, ସରକାର କହିଥିଲେ, ଏଥିରେ ଆଳୁ ମହଜୁଦ ରହିଲେ, ବିଦ୍ୟୁତ ରିହାତି ମିଳିବ । ମାତ୍ର ଆଳୁ ତ ନାହିଁ, ବିଦ୍ୟୁତ ରିହାତି କିଏ ଦେବ ବୋଲି ସେମାନେ ପ୍ରଶ୍ନ କରିଛନ୍ତି । ସମସ୍ତଙ୍କ ଦୃଷ୍ଟି ଆକର୍ଷଣ କରିବା ପରେ ବି ସ୍ଥିତିରେ କୌଣସି ଉନ୍ନତି ନ ହେବା କାରଣରୁ ସେମାନେ ଶୀତଳଭଣ୍ଡାରରେ ତାଲା ପକାଇବାକୁ ନିଷ୍ପତ୍ତି ନେଇଥିବା ଆଜି ସଂଘ ଜଣାଇଛି ।