ପ୍ରମୁଖ ଖବର

ଆମେରିକାର ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ଉପରେ ଗୁଳିମାଡ଼ । ଏକ ନିର୍ବାଚନୀ ସଭାରେ ତାଙ୍କ ଗୁଳି ମାଡ଼ ହୋଇଛି, କାନକୁ ଛୁଇଁ ଚାଲିଗଲା ଗୁଳି
ଜୁଲାଇ ୧୯ରେ ହେବ ସିୟୁଇଟି-ୟୁଜି ପୁନଃ ପରୀକ୍ଷା, ଏନଟିଏ କଲା ଘୋଷଣା
ଦିଗପହଣ୍ଡିରେ ବଡ ଅଘଟଣ, ବିଦ୍ୟୁତ୍ ସଂସ୍ପର୍ଶରେ ଆସି ୧୦ ଶିଶୁ ଗୁରୁତର
କଟକ ତ୍ରିସା ମେଡିକାଲ ଅଗ୍ନିକାଣ୍ଡ ଘଟଣାରେ ଜଣେ ଶିଶୁ ମୃତ
ରତ୍ନଭଣ୍ଡାର ନିକଟ‌ରେ ଅସୁସ୍ଥ ହୋଇପଡିଲେ ପୁରୀ ଏସପି ପିନାକ ମିଶ୍ର, ଚିକିତ୍ସା କରୁଛନ୍ତି ଡାକ୍ତର ସିବିକେ ମହାନ୍ତି
ଶ୍ରୀମନ୍ଦିର ବାହାରକୁ ଆସି ଅସୁସ୍ଥ ଥିବା କଥାକୁ ଖଣ୍ଡନ କଲେ ଏସପି ପିନାକ ମିଶ୍ର
ଦିନ ୧ଟା ୨୮ ମିନିଟ୍ ସମୟରେ ଖୋଲାଯିବ ରତ୍ନଭଣ୍ଡାର, ୧୧ ଜଣ ଭିତରକୁ ଯିବେ: ଜଷ୍ଟିସ ବିଶ୍ବନାଥ ରଥ
ଯାଞ୍ଚ କମିଟିରୁ ଅଧ୍ୟକ୍ଷ ଜଷ୍ଟିସ ବିଶ୍ୱନାଥ ରଥ ଓ ଡାକ୍ତର ସିବିକେ ମହାନ୍ତି ଭିତରକୁ ଯିବେ
ଆଜି ଆଡ଼ପ ମଣ୍ଡପରେ ଶ୍ରୀଜିଉଙ୍କ ଶେଷ ଦର୍ଶନ
ନୀଳାଦ୍ରି ବିଜେ ପର୍ଯ୍ୟନ୍ତ ପୁରୀରେ ରହିବେ ଉପମୁଖ୍ୟମନ୍ତ୍ରୀ ଓ ଦୁଇମନ୍ତ୍ରୀ

ପୁଣି କେନ୍ଦ୍ରକୁ ସମାଲୋଚନା

0

୧ଟଙ୍କିଆ ଚାଉଳକୁ ବିରୋଧ କରିଥିଲେ
ଆହାର ଯୋଜନାକୁ ଦେଇନଥିଲେ ସମର୍ଥନ
ପିଇବା ପାଣିରେ କେନ୍ଦ୍ରର ଭାଗ ମାତ୍ର ହଜାରେ କୋଟି

ରାୟଗଡା:ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଆଜି ରାୟଗଡା ଓ ଗଜପତି ଜିଲ୍ଲାରେ ନିର୍ବାଚନ ପ୍ରଚାର କରି କେନ୍ଦ୍ର ସରକାରଙ୍କୁ ପୁଣି ଥରେ କଡା ଭାଷାରେ ସମାଲୋଚନା କରିଛନ୍ତି । ଓଡ଼ିଶାର ବିକାଶ ରାସ୍ତାରେ କେନ୍ଦ୍ର କେଉଁଠି କେଉଁଠି ବାଟ ଓଗାଳିଛି ସେ କଥା ପ୍ରାଞ୍ଜଳ ଭାବେ ଲୋକଙ୍କୁ ବତାଇଛନ୍ତି ନବୀନ । କେବଳ ସେତିକି ନୁହେଁ, ରୋଡ ସୋ କରି ନିଜ ଦଳ ପ୍ରାର୍ଥୀଙ୍କୁ ଜିତାଇବା ଲାଗି ଭୋଟରଙ୍କୁ ନିବେଦନ କରିଛନ୍ତି ।

ରାୟଗଡାରେ ନିର୍ବାଚନ ପ୍ରଚାର କରି ନବୀନ ଆଜି କେନ୍ଦ୍ର ସରକାରଙ୍କୁ ଆହୁରି ଅନେକ ପ୍ରସଙ୍ଗରେ ସମାଲୋଚନା କରିଛନ୍ତି । କହିଛନ୍ତି, ଯେଉଁ ସମୟରେ ସେ ନିଜେ ଗରିବଙ୍କ ପାଇଁ ଆହାର ଯୋଜନା ଆରମ୍ଭ କରିଥିଲେ, ତାହାକୁ ସହାୟତା ଦେବାକୁ କେନ୍ଦ୍ର ସରକାର ମନା କରିଦେଇଥିଲେ । ଫଳରେ ରାଜ୍ୟ ସରକାର ନିଜ ଉଦ୍ୟମରେ ଏହି ଯୋଜନା କାର୍ଯ୍ୟକାରୀ କରିବାକୁ ବାଧ୍ୟ ହୋଇଥିଲେ ।

ପିଇବା ପାଣି ପ୍ରସଙ୍ଗ ଉଠାଇ ଆଜି ନବୀନ କହିଥିଲେ ଯେ ଏ କ୍ଷେତ୍ରରେ ରାଜ୍ୟ ସରକାର ପ୍ରାୟ ୧୨ ହଜାର କୋଟି ଟଙ୍କା ଖର୍ଚ୍ଚ କରିଛନ୍ତି । ହେଲେ କେନ୍ଦ୍ର ସରକାରଙ୍କ ଅବଦାନ କହିଲେ, ମାତ୍ର ୧ହଜାର କୋଟି ଟଙ୍କା । ତିତଲି, ହୁଡହୁଡ ଭଳି ପ୍ରାକୃତିକ ବିପର୍ଯ୍ୟୟ ସମୟରେ ଯେତେବେଳେ ଲୋକଙ୍କ ସହିତ ବିଜେଡି କେବଳ ଥିଲା, ସେତେବେଳେ ଆଉ କେହି ନଥିଲେ ।

ଯେତେବେଳେ ୧ଟଙ୍କିଆ ଚାଉଳ ଦେବା କଥା କୁହାଗଲା, ସେତେବେଳେ ୩୦ଲକ୍ଷ ଗରିବ ଲୋକଙ୍କୁ ସେମାନେ ଚାଉଳ ଦେବାକୁ ରାଜି ହେଲେ ନାହିଁ । ଫଳରେ ରାଜ୍ୟ ସରକାର ଏବେ ସବୁ ଗରିବଙ୍କୁ ୧ ଟଙ୍କାରେ ଚାଉଳ ଦେଉଛନ୍ତି । ମହିଳାଙ୍କ ପାଇଁ ବିଜେଡି ସରକାର ୭ଲକ୍ଷ ଟଙ୍କାର ସ୍ୱାସ୍ଥ୍ୟବୀମା କରିଥିବା ନବୀନ ସୂଚାଇଥିଲେ ।

ମୁଖ୍ୟମନ୍ତ୍ରୀ ଆଜି ପୁଣି ଦୋହରାଇଥିଲେ ଯେ ସାଢେ ଚାରି କୋଟି ଓଡ଼ିଶାବାସୀ ହେଉଛନ୍ତି ତାଙ୍କ ପରିବାର । ଶେଷ ନିଶ୍ୱାସ ପର୍ଯ୍ୟନ୍ତ ତାଙ୍କର ସେବା କରିଚାଲିଥିିବେ ।

ରାୟଗଡାରର ଗୁଣୁପୁର, ବିଷମକଟକ ଓ ରାୟଗଡାରେ ନିର୍ବାଚନ ସଭା ଓ ରାଲି ପରେ ନବୀନ ଅପରାହ୍ନରେ ଗଜପତିରେ ପହଞ୍ଚିଛିଲେ । ସେଠାରେ ସେ ମୋହନା ଓ ପାରଳାଖେମୁଣ୍ଡିରେ ନିର୍ବାଚନ ପ୍ରଚାର କରିଥିଲେ । ଏହି ଅବସରରେ ରୋଡ ସୋ ମଧ୍ୟ କରାଯାଇଥିଲା ।

Leave A Reply

Your email address will not be published.