ପ୍ରମୁଖ ଖବର

୧୮ ତାରିଖ ଦିନ ଖୋଲିବ ଭିତର ରତ୍ନଭଣ୍ଡାର, ସକାଳ ୯.୫୧ରୁ ୧୨.୧୫ ରହିଛି ଶୁଭ ମୂହୁର୍ତ୍ତ
ଶ୍ରୀମନ୍ଦିର ଭିତର ଭଣ୍ଡାରରେ ଥିବା ଅଳଙ୍କାର ଆଦିକୁ ସ୍ଥାନାନ୍ତର କରାଯିବ: ଶ୍ରୀମନ୍ଦିର ମୁଖ୍ୟ ପ୍ରଶାସକ
ଜାମ୍ମୁ ଓ କାଶ୍ମୀରରେ ଥମୁନି ଆତଙ୍କବାଦ, ଆର୍ମି ଅଫିସର ସମେତ ୪ ସହିଦ
ୟୁପି ଶିକ୍ଷକଙ୍କୁ ଆଶ୍ବସ୍ତି, ୨ ମାସ ପାଇଁ ସ୍ଥଗିତ ରହିଲା ଡିଜିଟାଲ ଉପସ୍ଥାନ
ସମ୍ବଲପୁର ଚିଡ଼ିଆଖାନାକୁ ଆସିବେ ୪ ମହାବଳ ବାଘ
ଓଡିଶା ଆସିବେ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡା: ଆସନ୍ତା ୧୯ ଓ ୨୦ ତାରିଖରେ ରାଜ୍ୟ ବିଜେପିର ପରିବର୍ଦ୍ଧିତ କାର୍ଯ୍ୟକାରିଣୀ ବୈଠକରେ ଯୋଗ ଦେବେ
କଟକ ଏସସିବି ମେଡିକାଲରେ ଉତ୍ତେଜନା ; ହାଉସ ସର୍ଜନ ଏବଂ ନର୍ସିଂ ଅଫିସର ମୁହାଁମୁହିଁ

ମାରୁତି କାର ବେପାରକୁ ଝଟ୍‍କା

0

ଭୁବନେଶ୍ୱର: ମାରୁତି ସୁଜୁକି ଇଣ୍ଡିଆ କଂପାନି କାର ବେପାରରେ ଚଡକ ପଡିଛି । ଗତବର୍ଷ ଏପ୍ରିଲରେ ଯେତିକି କାର ବିକ୍ରି ହୋଇଥିଲା, ତା ଠାରୁ ୨୦ ପ୍ରତିଶତ କମ କାର ଏଥର ଏପ୍ରିଲରେ ନେଇଛନ୍ତି ଗ୍ରାହକ ।
ଜାତୀୟ ଗଣମାଧ୍ୟମ ସୂଚନା ଅନୁସାରେ, ୨୦୧୮ ଏପ୍ରିଲରେ କଂପାନି ୧ଲକ୍ଷ ୬୩ ହଜାର ୪୩୪ କାର ବିକ୍ରି କରିଥିଲା । ଏଥର ଏହା ୧ଲକ୍ଷ ୩୧ ହଜାର ୩୮୫କୁ ଖସି ଆସିଛି । ସବୁଠାରୁ ବଡ ପ୍ରଭାବ ପଡିଛି ଅଲ୍‍ଟୋ ଓ ପୁରୁଣା ମଡେଲ ଵାଗନ ଆର୍‍ ଉପରେ । ଗତବର୍ଷ ଏପ୍ରିଲରେ ଏଭଳି କାର ବିକ୍ରି ସଂଖ୍ୟା ଥିଲା ୩୭ ହଜାର ୭୯୪ । ଏଥର କିନ୍ତୁ ୪୦ ପ୍ରତିଶତ ହ୍ରାସ ପାଇ ୨୨ ହଜାର ୭୬୬ କାର ବିକ୍ରି ହୋଇଛି ।
ସ୍ୱିଫ୍‍ଟ, ସେଲେରିଓ, ନୂଆ ଵାଗନ ଆର୍‍, ବଲେନୋ, ଡିଜେଆର୍‍ ଭଳି କାରର ବଜାର ଉପରେ ବି ପ୍ରଭାବ ପଡିଛି । ଗତବର୍ଷ ଏପ୍ରିଲରେ ଏଭଳିି ବର୍ଗର କାର ବିକ୍ରି ସଂଖ୍ୟା ଥିଲା ୮୩ ହଜାର ୩୮୪ । ଏଥର କିନ୍ତୁ ଏହା ୧୪ ପ୍ରତିଶତ ହ୍ରାସ ପାଇ ୭୨ ହଜାର ୧୪୬ରେ ପହଞ୍ଚିଛି ।
ସିଆଜ୍‍ ଭଳି ଦାମୀ କାର ବି ସମ୍ଭବତଃ ଗ୍ରାହକଙ୍କ ପସନ୍ଦ ହୋଇନାହିଁ । ସେଥିପାଇଁ ଏହାର ବଜାର ପ୍ରଭାବିତ ହୋଇଛି । ଗତବର୍ଷ ୨୭୮୯ଟି ଏଭଳି କାର ବିକ୍ରି ହୋଇଥିବା ବେଳେ ଏଥର ଏହି ସଂଖ୍ୟା ୫୧୬ ରହିଛି ।
ହେଲେ ବ୍ରିଜା, ଏସ୍‍କ୍ରସ୍‍ ଭଳି ଗାଡି ବିକ୍ରି ଗତବର୍ଷ ଏପ୍ରିଲ ତୁଳନାରେ ଏବର୍ଷ ୬ପ୍ରତିଶତ ବଢିଛି । ଗତବର୍ଷ ଏହି ସମୟରେ ୨୦ ହଜାର ୮୬୪ଟି କାର ବିକ୍ରି ହୋଇଥିବା ବେଳେ ଏଥର ଏହା ୨୨ହଜାର ୩୫ ଛୁଇଁଛି ।
ତେବେ କାର ବିକ୍ରି କମିବା ପଛର ନିର୍ଦିଷ୍ଟ କାରଣ ସଂପର୍କରେ ଏଯାଏ କୁହାଯାଇନାହିଁ ।

Leave A Reply

Your email address will not be published.