ବିଧାୟକମାନେ ରାଗିଗଲେ

ଭୁବନେଶ୍ୱର: ଶୁକ୍ରବାର ପ୍ରଶ୍ନକାଳରେ ରାଗିଯାଇଥିଲେ ବିଜେଡି ବିଧାୟକ । ସେମାନେ ପ୍ରଶ୍ନ ପଚାରିବାକୁ ହାତ ଟେକୁଥିଲେ ବି ବାଚସ୍ପତି ସୁଯୋଗ ଦେଉନଥିବାରୁ ଖୋର୍ଧା ବିଧାୟକ ରାଜେନ୍ଦ୍ର ସାହୁ ଓ ଢେଙ୍କାନାଳ ବିଧାୟକ ସୁଧୀର ସାମଲ ଅସନ୍ତୋଷ ପ୍ରକାଶ କରିଥିଲେ । ସେହିଭଳି ଜୟପୁର ବିଧାୟକ ତାରା ପ୍ରସାଦ ବାହିନୀପତି ବି ପ୍ରତିକ୍ରିୟା ପ୍ରକାଶ କରିଥିଲେ ।
ପ୍ରଶ୍ନକାଳ ସମସ୍ତଙ୍କର । ଏଣୁ ସେମାନଙ୍କୁ କାହିିଁକି ସୁଯୋଗ ମିଳିବନାହିଁ ବୋଲି ଆପତ୍ତି ଉଠାଇଥିଲେ ବିଧାୟକ । ସେହିପରି ଗୁରୁବାର ଦିନ କଂଗ୍ରେସ ବିଧାୟକ ଦଳ ନେତା ସନ୍ତୋଷ ସାଲୁଜା ମଧ୍ୟ ଗୃହକୁ ଆସିବେ ନାହିଁ ବୋଲି ଧମକ ଦେଇଥିଲେ । ଶୂନ୍ୟକାଳରେ ବାଚସ୍ପତି ତାଙ୍କୁ ସୁଯୋଗ ନ ଦେବାରୁ ସେ ତୀବ୍ର ପ୍ରତିକ୍ରିୟା ପ୍ରକାଶ କରିଥିଲେ ।