ଜୟପୁର: ଜାତୀୟ ରାଜପଥରେ ଯୁଦ୍ଧ ବିମାନ ଅବତରଣ। ରାଜସ୍ଥାନର ଜାଲୋର ବାଡମେର ରାଜପଥରେ ଯୁଦ୍ଧ ବିମାନ ଅବତରଣ କରିଛି । ପାକିସ୍ତାନକୁ ଲାଗିଥିବା ସୀମା ପାଖରେ ଏକ ସ୍ୱତନ୍ତ୍ର ଏୟାରଷ୍ଟ୍ରିପର ଆରମ୍ଭ ହୋଇଛି। ଏଠାରେ ବାୟୁସେନାର ଜାଗୁଆର ଓ ସୁଖୋଇ ଯୁଦ୍ଧ ବିମାନ ଜରୁରୀକାଳୀନ ସ୍ଥିତିରେ ରାଜପଥରେ ଅବତରଣର ଅଭ୍ୟାସ କରିବା ସହ ନିଜର ଦମ ଦେଖାଇଛନ୍ତି । ସି-୧୩ଜେ ସୁପର ହର୍କୁଲେସ ମଧ୍ୟ ଅବତରଣ କରିଥିଲା।
ଭାରତମାଳା ପ୍ରକଳ୍ପ ଅନ୍ତର୍ଗତ ଜାତୀୟ ରାଜପଥରେ ବିମାନ ଅବତରଣ କାର୍ଯ୍ୟକ୍ରମ କରାଯାଇଛି । ଆପତକାଳୀନ ସ୍ଥିତିରେ ଯୁଦ୍ଧ ବିମାନ କିଭଳି ରାଜପଥରେ ଅବତରଣ କରିପାରିବ ସେହି ଋଣକୌଶଳର ଏକ ଡେମୋ ମଧ୍ୟ ପ୍ରଦର୍ଶନ କରାଯାଇଥିଲା। ଏହି ସ୍ୱତନ୍ତ୍ର କାର୍ଯ୍ୟକ୍ରମରେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ, ସଡ଼କ ପରିବହନ ମନ୍ତ୍ରୀ , ସିଡିଏସ ବିପିନ ରାୱତ ଓ ବାୟୁସେନା ମୁଖ୍ୟ ଆରକେଏସ ଭଦୌରିଆ ଉପସ୍ଥିତ ଥିଲେ।
ତେବେ ବଡ଼ କଥା ହେଲା ଯେ, ଦୁଇ କେନ୍ଦ୍ର ମନ୍ତ୍ରୀ ମଧ୍ୟ ବାୟୁସେନାର ଏହି ସ୍ୱତନ୍ତ୍ର ବିମାନରେ ଆସି ଏହି ଏୟାରଷ୍ଟ୍ରିପରେ ଅବତରଣ କରିଥିଲେ। ପାକିସ୍ତାନ ସୀମାଠୁ ମାତ୍ର ୪ କିଲୋମିଟର ଦୂରରେ ଏହି ଲମ୍ବା ଏୟାରଷ୍ଟ୍ରିପରେ ବାୟୁସେନାର ଯୁଦ୍ଧ ବିମାନ ଅବତରଣ କରିପାରିବ। ଆଜି ଏହି ରନୱେରେ ସୁଖୋଇ ଯୁଦ୍ଧ ବିମାନ ଅବତରଣ ବେଳର ଡେମୋ ଦେଖାଇଥିଲା। ଜାଗୁଆର ଓ ଅନ୍ୟ ଯୁଦ୍ଧ ବିମାନଙ୍କୁ ମଧ୍ୟ ଏଠାରେ ଦେଖିବାକୁ ମିଳିଥିଲା।
ରାଜପଥରେ ଏହି ପରି ଏୟାରଷ୍ଟ୍ରିପର ବହୂ ମୁଖ୍ୟ ଭୁମିକା ରହିଥାଏ । ଏଠାରେ ପାଖାପାଖି ୪ଟି ଯୁଦ୍ଧ ବିମାନକୁ ଅବତରଣ କରିବାର ସୁବିଧା ରହିବ।ବାୟୁସେନା ଗତ କିଛି ଦିନରୁ ଲଗାତର ଦେଶର ବିଭିନ୍ନ ସ୍ଥାନରେ ଜାତୀୟ ରାଜପଥରେ ଏହି ପରି ଏୟାରଷ୍ଟ୍ରିପ କରିବାକୁ ଫୋକସ କରୁଛି । ଏହା ପ୍ରଥମ ଜାତୀୟ ରାଜପଥ , ଯେଉଁଥିରେ ଏଭଳି ଏୟାରଷ୍ଟ୍ରିପ ପ୍ରସ୍ତୁତ କରାଯାଇଛି ।