ମୁମ୍ବାଇ: ଗଣେଶ ଚତୁର୍ଥୀ ଅବସରରେ ବଲିଉଡ ଅଭିନେତ୍ରୀ କରୀନା କପୁର ଓ ସୈଫ ଅଲ୍ଲୀ ଖାନଙ୍କ ଘରେ ଗଣପତି ବପ୍ପା ବିରାଜମାନ କରିଛନ୍ତି । କରୀନା ନିଜ ଘରେ ପୂଜା ସମୟର ଫଟୋ ଇନଷ୍ଟାରେ ସେୟାର କରିଛନ୍ତି । ନିଜ ଫ୍ୟାନଙ୍କ ସହିତ ସେ ଗଣପତି ବପ୍ପାଙ୍କ ସାକ୍ଷାତ କରାଇଛନ୍ତି ।ଫଟୋରେ ଗଣପତିଙ୍କ ସାମନାରେ ତୈମୁର ଓ ସୈଫ ଅଲ୍ଲୀ ଖାନ ହାତ ଯୋଡି ଛିଡା ହୋଇଥିବାର ନଜର ଆସିଛନ୍ତି । ଏହା ସହ ତୈମୁର ମାଟିରେ ଏକ ରଙ୍ଗୀନ ଗଣେଶ ମୂର୍ତ୍ତି ମଧ୍ୟ ବନାଇଛନ୍ତି, ଯାହାକୁ ଦେଖି ତୈମୁର ବହୁତ ଖୁସି ଥିବା ଦେଖିବାକୁ ମିଳିଛି । ଫଟୋ ସେୟାର କରି କରୀନା କପୁର କ୍ୟାପସନରେ ଲେଖିଛନ୍ତି ଯେ, ମୋ ଜୀବନର ସାଥୀଙ୍କ ସହ ଗଣେଶ ଚତୁର୍ଥୀ ପାଳନ କରୁଛି । ଛୋଟ ଗଣେଶ ମୂର୍ତ୍ତି ବହୁତ ସୁନ୍ଦର ହୋଇଛି । ଏବଂ ସମସ୍ତଙ୍କୁ ହାପି ଗଣେଶ ଚତୁର୍ଥୀ ଲେଖିଛନ୍ତି ।
କରୀନା ନିଜ ପରିବାର ସହ ଗଣପତି ବପ୍ପାଙ୍କ ଏହି ଫଟୋ ସେୟାର କରିବା ପରେ ଫ୍ୟାନମାନେ ବହୁତ ଖୁସି ହୋଇଛନ୍ତି । କିଛି ଫ୍ୟାନ କରୀନାଙ୍କ ସାନ ପୁଅ ଜହାଙ୍ଗୀର ଅଲ୍ଲୀ ଖାନଙ୍କବିଷୟରେ ମଧ୍ୟ ପଚାରିଛନ୍ତି । ଜହାଙ୍ଗୀରଙ୍କୁ ଫଟୋରେ ଦେଖିବାକୁ ମିଳିନାହିଁ । ଜହାଙ୍ଗୀରଙ୍କ ଫଟୋ ସେୟାର କରିବାକୁ କିଛି ଜଣ କହିଛନ୍ତି ।କରୀନା ଓ ସୈଫ ସମସ୍ତ ଉତ୍ସବ ପରିବାର ସହ ପାଳନ କରୁଥିବାର ଦେଖିବାକୁ ମିଳେ ।କରୀନା ଓ ସୈଫ ଅଲ୍ଲୀ ଖାନଙ୍କୁ କିଛି ଫ୍ୟାନ୍ ପାୱାର କପୁଲ ବୋଲି ମଧ୍ୟ କହିଥାନ୍ତି । କରୀନାଙ୍କ ବ୍ୟତୀତ ଆଜି ଶିଳ୍ପା ସେଟ୍ଟୀ,ଅର୍ଜୁନ ବିଜଲାନୀ, ସୋନୁ ସୁଦ,ନୀଲ ନୀତିନ ମୁକେଶଙ୍କ ସମେତ ଅନ୍ୟ ଷ୍ଟାରଙ୍କ ଘରେ ମଧ୍ୟ ଗଣପତି ବପ୍ପା ବିରାଜମାନ କରିଛନ୍ତି । ପ୍ରତିବର୍ଷ ବଲିଉଡ ଫିଲ୍ମ ଇଣ୍ଡଷ୍ଟ୍ରିରେ ଗଣେଶ ପୂଜାର ଧୁମ୍ ଦେଖିବାକୁ ମିଳିଥାଏ ।