ପ୍ରମୁଖ ଖବର

ଜମ୍ମୁ ବିମାନବନ୍ଦରରେ ରକେଟ୍‌ ଆକ୍ରମଣ, ୮ କ୍ଷେପଣାସ୍ତ୍ର ନଷ୍ଟ କଲା ଭାରତ
ମା’ ତାରାତାରିଣୀ ପୀଠର ବିକାଶ ପାଇଁ ୬୮ କୋଟି ଟଙ୍କାର ପ୍ରକଳ୍ପ ଘୋଷଣା କଲେ ମୁଖ୍ୟମନ୍ତ୍ରୀ
ଭୁବନେଶ୍ୱରରେ ହେବ ସାଇନ୍ସ ସିଟି
କେନ୍ଦ୍ର ସରକାରଙ୍କ କଡା ନିର୍ଦ୍ଦେଶ, ଓଟିଟି ପ୍ଲାଟଫର୍ମରୁ ହଟିବ ପାକିସ୍ତାନୀ କଣ୍ଟେଣ୍ଟ
ଭାରତର ୫ ରାଫେଲ ଖସାଇବା ମିଛ କହି ଲଜ୍ଜିତ ହେଲେ ପାକ୍ ପ୍ରତିରକ୍ଷା ମନ୍ତ୍ରୀ
ଭୁବନେଶ୍ୱରରୁ ଆବୁଧାବିକୁ ସିଧାସଳଖ ବିମାନ ଉଡ଼ାଣ
ଉତ୍ତରାଖଣ୍ଡରେ ହେଲିକପ୍ଟର କ୍ରାସ୍; ୬ମୃତ
ଓଡ଼ିଶା ଆସିବେନି ଶାହା, ସ୍ଥଗିତ ରହିଲା କାର୍ଯ୍ୟକ୍ରମ
ଓଡ଼ିଶା ଓ୍ବେବସାଇଟ୍‌କୁ ହ୍ୟାକ୍‌ କଲା ପାକିସ୍ତାନ

ବାଘ ନେଇଗଲା ମଣିଷ ଛୁଆ

0

ବାଘ ନେଇଗଲା ମଣିଷ ଛୁଆ । ଏହା କୌଣସି ଫିଲ୍ମର କାହାଣୀ ନୁହେଁ । ଛତିଶଗଡ଼ ରାଇଘରରେ ଆଜି ଘଟିଛି ଏଭଳି ଅଘଟଣ । ପରିବାର ଲୋକଙ୍କ ଆଖି ଆଗରେ ବାଘ ଶିଶୁଟିକୁ ଝାମ୍ପିନେଇଥିଲେ ମଧ୍ୟ କେହି କିଛି କରିପାରିନଥିଲେ । ଶିଶୁପୁତ୍ରଟିକୁ ଝାମ୍ପି ନେଇ ଚିତାବାଘ କିଛି ବାଟ ଗଲା ପରେ ଛାଡିଦେଇଥିଲା । ବାଘ ପାଟିରୁ ସିନା ବଞ୍ଚିଗଲା ହେଲେ ହସ୍ପିଟାଲରେ ଆଖିବୁଜିଦେଇଛି ଶିଶୁ ପୁତ୍ର ।

ନବରଙ୍ଗପୁର ତୁହୁଡି ଗାଁର ନରେନ୍ଦ୍ର ମରକାମଙ୍କ ପରିବାର ଲୋକ ଆଜି ମନ୍ଦିର ଦର୍ଶନ ପାଇଁ ବାହାରିଥିଲେ । ଛତିଶଗଡ ସିହାୱା ନିକଟସ୍ଥ ମନ୍ଦିରକୁ ପରିବାର ସହ ଯାଉଥିଲେ । ହେଲେ ହଠାତ କେଉଁଠି ଥିବା ଚିତାବାଘଟି ସାମନାକୁ ପଳାଇଆସିଥିଲା । ସମସ୍ତେ ଜୀବନ ବଞ୍ଚାଇବାକୁ ଏଣେତେଣେ ଦୌଡିଥିଲେ । ହେଲେ ନରେନ୍ଦ୍ର ମରକାମଙ୍କ ୬ ବର୍ଷର ପୁଅ ଅମିତ ଦୌଡିନପାରି ପଡିଯାଇଥିଲା ବାଘ ହାବୁଡରେ ।

କେହି କିଛି ଭାବିବା ଆଗରୁ ଆଖି ପିଛୁଳାକେ ଚିତାବାଘଟି ୬ ବର୍ଷର ଶିଶୁଟିକୁ ଝାମ୍ପି ନେଇ ଦୌଡିଥିଲା । ସମସ୍ତେ ଚିତ୍କାର କରିଥିଲେ ମଧ୍ୟ କେହି କିଛି କରିପାରିନଥିଲେ । ଶେଷରେ ଗାଁ ଲୋକ ଓ ବନବିଭାଗ ବାଘଟିକୁ ଗୋଡାଇଥିଲୋ ଶିଶୁପୁତ୍ରଟିକୁ ଚିତାବାଘ ଝାମ୍ପି ନେଇ ପାହାଡ଼ ଆଡକୁ ପଳାଉଥିବା ବେଳେ ଅଧାବାଟରେ ଛାଡିଦେଇଥିଲା । ହେଲେ ବାଘ ମୁହଁରୁ ସିନା ଶିଶୁପୁତ୍ରଟି ଜୀବନ ବଞ୍ଚିଯାଇଥିଲା । ହେଲେ ବାଘ ଝାମ୍ପିକି ନେବା ପରେ ଶିଶୁଟି କ୍ଷତାକ୍ତ
ହୋଇଯାଇଥିଲା । ସାଙ୍ଗେ ସାଙ୍ଗେ ଅମିତକୁ ଉଦ୍ଧାର କରି ନିକଟସ୍ଥ ହସ୍ପିଟାଲକୁ ନିଆଯାଇଥିଲା । ହେଲେ ହସ୍ପିଟାଲରେ ପହଞ୍ଚିବା ପରେ ସବୁଦିନ ପାଇଁ ଆଖିବୁଜିଛି ୬ ବର୍ଷର ଶିଶୁପୁତ୍ର ।

ସେହି ଅଞ୍ଚଳ ରେ ବାଘଟିକୁ ପ୍ରଥମେ ହନୁମାନ ମନ୍ଦିର ପାଖରେ ଦେଖିବାକୁ ମିଳିଥିଲା । ହେଲେ ଆଜି ଏଭଳି ଯେ ଏକ ଅଘଟଣ ଘଟିବ କେହି ଚିନ୍ତା ବି କରିନଥିଲେ । ଏଭଳି ଘଟଣା ପରେ ସ୍ଥାନୀୟ ଅ ଳରେ ଭୟର ବାତାବରଣ ଖେଳିଯାଇଛି । ବାଘ ଭୟରେ ଲୋକେ ଘରୁ ବାହାରକୁ ବାହାରୁନାହାଁନ୍ତି ।

Leave A Reply

Your email address will not be published.