ଆଜି ବିଶ୍ୱ ଦେଖିବ କ୍ରିକେଟର ସବୁଠୁ ବଡ଼ ମୁକାବିଲା । ଦୁବାଇ ଅନ୍ତର୍ଜାତୀୟ ଷ୍ଟାଡିୟମରେ ପାକିସ୍ତାନ ସହ ମୁକାବିଲା କରିବ ଭାରତ । ତେବେ ଦୁଇ ପ୍ରମୁଖ ଦଳଙ୍କ ରୋମାଞ୍ଚକର ମୁକାବିଲାକୁ ଚାହିଁ ବସିଛନ୍ତି ଉଭୟ ଦଳର କ୍ରିକେଟ ପ୍ରେମୀ । ପଡିଆରେ ଅଭ୍ୟାସ ଆରମ୍ଭ କରିଛି ବିରାଟ ବାହିନୀ । ଧୋନୀ ପ୍ରତ୍ୟେକ ଖେଳାଳିଙ୍କୁ ଟିପ୍ସ ଦେବା ସହିତ କେମିତି ଭଲ ପ୍ରଦର୍ଶନ କରିହେବ ତା ଉପରେ ମଧ୍ୟ ଆଲୋଚନା କରୁଛନ୍ତି ।ଭାରତ ପାକିସ୍ତାନ ମ୍ୟାଚ ସବୁବେଳେ ଖେଳାଳିଙ୍କୁ ଚାପରେ ରଖିଥାଏ । ହେଲେ ଚାପଠୁ ନିଜକୁ ଦୂରେଇ ରଖିପାରିଲେ ମ୍ୟାଚରେ ବିଜୟ ହାସଲ କରିବା ସହଜ ହୋଇଥାଏ ।
ପାକିସ୍ତାନର କ୍ରିକେଟର ଏହା ମଧ୍ୟ ସ୍ୱୀକାର କରିଛନ୍ତି ଯେ ,ଭାରତଠୁ ପାକିସ୍ତାନ ଅଧିକ ଚାପରେ ରହିବ ।ଭାରତ ପାଖରେ ରୋହିତ,ବିରାଟ,ଜାଡେଜାଙ୍କଭଳି ଖେଳାଳି ଅଛନ୍ତି ।ଟିମ୍ ରେ ବାବର ଆଜାମ ଫର୍ମରେ ଅଛନ୍ତି । ହେଲେ ମ୍ୟାଚ, ବୋଲିଂ ଉପରେ ଅଧିକ ନିର୍ଭର କରୁଛି । ଧୋନୀ ମଧ୍ୟ ଦଳ ସହ ରହିବା ଟିମ ଇଣ୍ଡିଆ ପାଇଁ ଭଲ । ତେବେ ଭାରତର କିଛିଟା ପ୍ଲସ ପଏଣ୍ଟ ହେଲା ,ଟିମ ଇଣ୍ଡିଆରେ ବ୍ୟାଟ୍ସ ମ୍ୟାନ ଭଲ ଅଛନ୍ତି । ସ୍ପିନରେ ମଧ୍ୟ ନିଜ କମାଲ ଦେଖାଇସାରିଛନ୍ତି ଅଶ୍ୱିନୀ ଓ ଜାଡେଜାଙ୍କ ଯୋଡି । ବୁମରାହ ମଧ୍ୟ ଭଲ ଇକୋନୋମିରେ ବୋଲିଂ କରୁଛନ୍ତି ।
ସେହିପରି ପାକିସ୍ତାନର ରୀଜ୍ୱନ ଓ ବାବାର ହିଁ ଭଲ ଫର୍ମରେ ରହିବା ସହ ରନ କରୁଛନ୍ତି । ମିଡିଲ୍ଡ ଅର୍ଡରକୁ ଫେରିଲେ ହାଫିଜ ଓ ମଲ୍ଲିକ । ଦୁଇ ଜଣ ଅଭିଜ୍ଞ ଖେଳାଳି । ବୋଲିଂରେ ସହିନଙ୍କ ପ୍ରଦର୍ଶନ ବେଶ ଭଲ ରହିଛି । ତେବେ କ୍ରିକେଟର ଇତହାସ ପୃଷ୍ଠାରେ ଭାରତ ପାକିସ୍ତାନ ମ୍ୟାଚ ଦେଖିଲେ, ୫୦ ଓଭର ବିଶିଷ୍ଟ ବିଶ୍ୱକପ ହେଉ କିମ୍ବା ୨୦ ଓଭର ବିଶିଷ୍ଟ ବିଶ୍ୱକପ । ଭାରତ କେବେ ମଧ୍ୟ ପାକିସ୍ତାନଠୁ ପରାଜିତ ହୋଇନାହିଁ । ତେବେ ଯଦି ଆମେ ଟି ୨୦ ବିଶ୍ୱକପ ଉପରେ ନଜର ପକାଇବା ଭାରତ ପାକିସ୍ତାନ ବିପକ୍ଷରେ ୫-୦ ବିଜୟ ସହ ଆଜି ପର୍ଯ୍ୟନ୍ତ ଅପରାଜେୟ ରହିଛି । ଉଭୟ ଦଳର କ୍ୟାପଟେନ ପ୍ରଥମ ଥର ପାଇଁ ବିଶ୍ୱକପରେ କୌଣସି ମ୍ୟାଚର ଭାର ସମ୍ଭାଳିବେ ।
ପାଖାପାଖି ୨ ବର୍ଷ ପରେ ଅର୍ଥାତ୍ ୨୦୧୯ ବିଶ୍ୱକପ ପରେ ଉଭୟ ଦଳ ପରସ୍ପର ସହ ମୁହାଁମୁହିଁ ହେବେ ।ଭାରତ ଶେଷ ଦଶବର୍ଷରେ ୧୧୫ଟି ମ୍ୟାଚରୁ ୬୩.୫ ପ୍ରତିଶତ ହାରରେ ୭୩ଟି ମ୍ୟାଚରେ ବିଜୟ ହୋଇଛି । ସେହିପରି ଟି ୨୦ ବିଶ୍ୱକପର ପ୍ରଥମ ସଂସ୍କରଣରେ ଏହି ଦୁଇ ପ୍ରମୁଖ ପ୍ରତିଯୋଗୀ ଉଇନର ଓ ରନର୍ସ ଅଫ ସ୍ଥାନରେ ଥିଲେ । ଭାରତ ଚାହିଁବ ଆଜିର ମ୍ୟାଚରେ ବିଜୟ ହୋଇ ଅଭିଯାନ ଆରମ୍ଭ କରିବାକୁ । ଖେଳପ୍ରେମୀ ମାନଙ୍କ ପାଇଁ ଭାରତ ପାକିସ୍ତାନ ମ୍ୟାଚ ହିଁ ଫାଇନାଲ ମ୍ୟାଚ । ତେବେ କିଏ ଦୁବାଇରେ ହୃଦୟ ଜିତୁଛି ତାହା ଏବେ ଦେଖିବାକୁ ବାକି ରହିଲା । ଭାରତୀୟ ସମୟ ସନ୍ଧ୍ୟା ସାଢେ ୭ଟାରେ ଆରମ୍ଭ ହେବ ଏହି ମହାମୁକାବିଲା ।