ବଙ୍ଗୋପସାଗରରେ ଆଗକୁ ବଢ଼ୁଛି ବାତ୍ୟା ଜଓ୍ବାଦ
ପୁରୀରେ ସ୍ଥଳଭାଗ ଛୁଇଁଲା ବେଳକୁ ଦୁର୍ବଳ ହୋଇଯିବ
ଗତ ୬ ଘଣ୍ଟା ଧରି ୬ କିଲୋମିଟର ବେଗରେ ଆଗକୁ ବଢୁଛି
ଓଡ଼ିଶା ଉପରେ କମ ପ୍ରଭାବ ପକାଇବ, ଗଞ୍ଜାମ, ପୁରୀ, ଜଗତସିଂହପୁରରେ ଅଧିକ
ସର୍ବାଧିକ ୯୫ କିଲୋମିଟର ବେଗରେ ପବନ ବହିପାରେ
ଆସନ୍ତାକାଲି ମଧ୍ୟାହ୍ନରେ ପୁରୀ ଛୁଇଁପାରେ
ପାରାଦୀପରେ ୬୨ମିମି ବର୍ଷା ରେକର୍ଡ ହୋଇଥିବା ସୂଚନା
ପୁରୀରେ ଘଣ୍ଟାପ୍ରତି ୨୬ କିଲୋମିଟର ବେଗରେ ରହିଛି ପବନର ଗତି
ପୁରୀ ଉପକୂଳରେ ଲାଗିଲା ରେଡ୍ ଫ୍ଲାଗ୍, ୪ ବନ୍ଦରରେ ବିପଦ ସଙ୍କେତ ଜାରି
ଜଓ୍ବାଦ ପ୍ରଭାବରେ ଟ୍ରେନ୍ ବାତିଲ୍, ସରକାର ବି ସତର୍କ

ସିଆରପିଏଫ କ୍ୟାମ୍ପରେ ରାତି କାଟିଲେ ଶାହା

0

ସିଆରପିଏଫ କ୍ୟାମ୍ପରେ ରାତି କାଟିଲେ କେନ୍ଦ୍ର ଗୃହ ମନ୍ତ୍ରୀ ଅମିତ ଶାହା । ଶାହା ତିନିଦିନିଆ ଜମ୍ମୁ କାଶ୍ମୀର ଗସ୍ତରେ ଥିବା ବେଳେ ପୁଲୱାମା ଲେଥପୁରା ରିଜର୍ଭ ପୁଲିସ କ୍ୟାମ୍ପରେ ସୋମବାର ରାତି ବିତାଇଛନ୍ତି । ଏହା ହେଉଛି ସେହି ସ୍ଥାନ ଯେଉଁଠାରେ ୨୦୧୯ରେ ପାକିସ୍ତାନ ପ୍ରାୟୋଜିତ ଆତଙ୍କବାଦୀଙ୍କ ଦ୍ୱାରା ଆକ୍ରମଣରେ ୪୦ରୁ ଅଧିକ ଯବାନ ସହିଦ ହୋଇଥିଲେ । କେବେଳ ଏତିକି ନୁହେଁ ଶ୍ରୀନଗର ଏକ ରାଲିରେ ଭାଷଣ ଦେବା ପୂର୍ବରୁ ଶାହା ବୁଲେଟପ୍ରୁଫ୍ କାଚ କାଢିଦେଇଥିଲେ । ଆଉ ବିନା ସୁରକ୍ଷାରେ ଅଭିଭାଷଣ ରଖିଥିଲେ ।

ହୃଦୟରୁ ଭୟ ଦୂର କରିବାକୁ ଶାହା ଲୋକଙ୍କୁ କହିଥିଲେ । ଆତଙ୍କବାଦ ମାନବିକତା ବିରୋଧରେ ଏବଂ ଏହାକୁ ବରଦାସ୍ତ କରାଯିବ ନାହିଁ ବୋଲି କହିଥିଲେ। ସୋମବାର ସିଆରପିଏଫ ଶିବିରରେ ଥିବା ଯବାନ ମାନଙ୍କୁ ସମ୍ବୋଧିତ କରି ଶାହା କହିଥିଲେ, ଆତଙ୍କବାଦକୁ ନେଇ ମୋଦୀ ସରକାରଙ୍କ ଶୂନ୍ୟ ସହନଶୀଳତା ନୀତି ରହିଛି । ଦେଶର ସୁରକ୍ଷା ସହ ଆପୋଷ ବୁଝାମଣା କରାଯିବ ନାହିଁ । ଗୃହମନ୍ତ୍ରୀ ଆତଙ୍କବାଦୀଙ୍କୁ କଡ଼ା ଜବାବ ଦେବା ପାଇଁ ଓ ଯବାନଙ୍କ ମନୋବଳ ବଢାଇବାକୁ ସିଆରପିଏଫ କ୍ୟାମ୍ପରେ ରାତି କାଟିଥିଲେ । ସେହିପରି ବିନା ସୁରକ୍ଷାରେ ଶ୍ରୀନଗରରୁ ପ୍ରାୟ ୨୦ କିଲୋମିଟର ଯାତ୍ରା କରି ପୁଲୱାମା ଲେଥପୁରା ସିଆରପିଏଫ କ୍ୟାମ୍ପକୁ ଯାଇଥିଲେ । ଯାହା ଆତଙ୍କବାଦୀଙ୍କ ପାଇଁ ଏକ କଡ଼ା ସନ୍ଦେଶ ଥିଲା ।

ଅମିତ ଶାହା ଯବାନଙ୍କ ସହ ଆଲୋଚନା କରିବା ସହ ତାଙ୍କ ସହ ଭୋଜନ ମଧ୍ୟ କରିଥିଲେ । ଏହି ସମୟରେ ସେ ଯବାନଙ୍କ ମନୋବଳ ବଢାଇଥିଲେ ଓ ତାଙ୍କ ସାହାସ ପାଇଁ ପ୍ରଶଂସା କରିଥିଲେ ।ଯବାନ ମାନେ ଶାହାଙ୍କ ଗସ୍ତକୁ ଏକ ସ୍ମରଣୀୟ ମୂହୁର୍ତ୍ତ ଭାବରେ ଗ୍ରହଣ କରିଥିଲେ । ଯବାନ ମାନେ କହିଛନ୍ତି, ଶାହା ସିଆରପିଏଫ କ୍ୟାମ୍ପରେ ରହିବା ଓ ତାଙ୍କ ସହ ଏକାଠି ଭୋଜନ କରିବା ତାଙ୍କ ପାଇଁ ଗର୍ବର ବିଷୟ ।

Leave A Reply

Your email address will not be published.