କ୍ୟାମେରାମ୍ୟାନ ମାନସ ସ୍ୱାଇଁ ହତ୍ୟାକାଣ୍ଡ ମାମଲାରେ ଘାଣ୍ଟୁଛି କ୍ରାଇମବ୍ରାଞ୍ଚ । ଆଜି ମୁଖ୍ୟ ଅଭିଯୁକ୍ତ ଶର୍ମିଷ୍ଠା ଓ ଝୁନାଙ୍କୁ ମୁହାଁମୁହିଁ ଜେରା କରାଯାଇଛି । ଆଜିଠୁ ଉଭୟଙ୍କୁ ୩ ଦିନ ରିମାଣ୍ଡରେ ନିଆଯାଇଥିବା ବେଳେ ମିଳିତ ଭାବେ ଜେରା କରିଛି କ୍ରାଇମବ୍ରାଞ୍ଚ । କ୍ରାଇମବ୍ରାଞ୍ଚ ମୁଖ୍ୟାଳୟରେ ଉଭୟଙ୍କୁ ଗୁଡାଇତୁଡାଇ ମୁହାଁମୁହି ବସାଇ ପ୍ରଶ୍ନ କରାଯାଇଛି । ମେମୋରି ଚିପ୍ ଓ ଡାଏରୀକୁ ନେଇ ପ୍ରଶ୍ନ କରାଯାଇଛି । କ୍ରାଇମବ୍ରାଞ୍ଚର ସ୍ୱତନ୍ତ୍ର ଟିମ ପକ୍ଷର ପଚରାଉଚରା କରାଯାଉଛି । ତଦନ୍ତରେ ସହଯୋଗ କରୁଛନ୍ତି ଶର୍ମିଷ୍ଠା ଓ ଝୁନା ।
ଆସନ୍ତାକାଲି ଜେରା ସମ୍ପର୍କରେ ଗଣମାଧ୍ୟରେ ସୂଚନା ଦିଆଯିବ ବୋଲି କ୍ରାଇମବ୍ରାଞ୍ଚ ଏଡିଜି ସଞ୍ଜୀବ ପଣ୍ଡା ସୂଚନା ଦେଇଛନ୍ତି । ମାନସ ସ୍ୱାଇଁ ହତ୍ୟା ମାମଲାରେ ପ୍ରଥମେ ୪ ଅଭିଯୁକ୍ତଙ୍କୁ ରିମାଣ୍ଡରେ ଆଣିଥିଲା କ୍ରାଇମବ୍ରାଞ୍ଚ । ୫ ଦିନିଆ ରିମାଣ୍ଡରେ ଆଣି କିପରି ଅପହରଣ ଓ ହତ୍ୟା କରାଯାଇଥିଲା ସେ ସମସ୍ତ ସିନର ରିକ୍ରିଏସନ କରିଥିଲା କ୍ରାଇମବ୍ରାଞ୍ଚ । ତେବେ ଅନେକ ରହସ୍ୟ ଉପରୁ ପରଦା ଉଠିପାରିନଥିବା ବେଳେ ପୁଣି ଥରେ ଶର୍ମିଷ୍ଠା ଓ ଝୁନାଙ୍କୁ ରିମାଣ୍ଡରେ ନେବାକୁ ଆବେଦନ କରିଥିଲା କ୍ରାଇମବ୍ରାଞ୍ଚ । ଆଜିଠୁ ୩ ଦିନିଆ ରିମାଣ୍ଡରେ ଉଭୟଙ୍କୁ ନେଇ ପଚରାଉଚରା କରାଯାଉଛି ।