ପକେଟକୁ ବାଧୁଛି ତୈଳ ଦର । ରାତି ପାହିଲେ ପ୍ରତିଦିନ ତୈଳ ଦର ବଦଳୁଛି । ଗତ ୧୪ ଦିନରେ ଆଜି ମିଶାଇ ୧୨ ଥର ତୈଳ ଦର ବୃଦ୍ଧି ପାଇଲାଣି । ଅନ୍ତର୍ଜାତୀୟ ବଜାରରେ ଅଶୋଧିତ ତୈଳ ଦର ପ୍ରତି ବ୍ୟାରେଲ ୧୦୦ ଡଲାରକୁ ଆସିଯାଇଥିଲେ ମଧ୍ୟ , ଭାରତୀୟ ବଜାରରେ ପେଟ୍ରୋଲ ଓ ଡିଜେଲ ଦର ବୃଦ୍ଧି ପାଇବାରେ ଲାଗିଛି । ଦିଲ୍ଲୀରେ ଆଜି ପେଟ୍ରୋଲ ଓ ଡିଜେଲ ଲିଟର ପିଛା ୪୦ ପଇସା ଲେଖାଁଏ ମହଙ୍ଗା ହୋଇଛି । ଦିଲ୍ଲୀରେ ଏବେ ପେଟ୍ରୋଲ ୧୦୩ଟଙ୍କା ୮୧ ପଇସା ଓ ଡିଜେଲ ୯୫ ଟଙ୍କା ୭ ପଇସାରେ ବିକ୍ରି ହେଉଛି । ପେଟ୍ରୋଲ ଓ ଡିଜେଲର ଦର ବୃଦ୍ଧି ମାର୍ଚ୍ଚ ୨୨ରୁ ଜାରି ରହିଛି । ମାର୍ଚ୍ଚ ୨୪ ଓ ଏପ୍ରିଲ୧କୁ ଛାଡି ପ୍ରତିଦିନ ତୈଳ ଦର ବୃଦ୍ଧି ପାଇଛି । ପେଟ୍ରୋଲ ୧୪ ଦିନରେ ୮ଟଙ୍କା ୪୦ ପଇସା ମହଙ୍ଗା ହୋଇଛି । ତୈଳ ଦର ବୃଦ୍ଧି ଯୋଗୁଁ ବିଭିନ୍ନ ଅତ୍ୟାବଶ୍ୟକ ସାମଗ୍ରୀର ଦର ମଧ୍ୟ ବଢୁଛି । ଯାହାକୁ ନେଇ ଖାଉଟିଙ୍କ ମଧ୍ୟରେ ଅସନ୍ତୋଷ ଦେଖାଦେଲାଣି । କେଉଁଠି କେତେ ତୈଳ ଦର?
ସ୍ଥାନ ପେଟ୍ରୋଲ ଡିଜେଲ
ଦିଲ୍ଲୀ ୧୦୩.୮୧ ୯୫.୦୭
ମୁମ୍ବାଇ ୧୧୮.୮୩ ୧୦୩.୦୭
ଚେନ୍ନାଇ ୧୦୯.୩୪ ୯୯.୪୨