ପ୍ରମୁଖ ଖବର

ଦୁଇ ବର୍ଷ ପରେ ବଡଦାଣ୍ଡରେ ଭକ୍ତ ଓ ଭଗବାନଙ୍କ ମିଳନ ହେଉଥିବାରୁ ପ୍ରବଳ ଗହଳି
ପବିତ୍ର ରଥଯାତ୍ରା ଅବସରରେ ଓଡ଼ିଶାବାସୀଙ୍କୁ ଶୁଭେଚ୍ଛା ଜଣାଇଲେ ରାଜ୍ୟପାଳ ଓ ମୁଖ୍ୟମନ୍ତ୍ରୀ
୨୪ ଘଣ୍ଟାରେ ଦେଶରେ ୧୭,୦୭୦ ଜଣ କୋଭିଡ୍-୧୯ ଆକ୍ରାନ୍ତ; ୨୩ଜଣ ମୃତ
ଆଜି ୨୦୦ ଟପିଲା ନୂଆ ସଂକ୍ରମିତଙ୍କ ସଂଖ୍ୟା: ଗତ ୨୪ ଘଣ୍ଟା ମଧ୍ୟରେ ୨୦୪ କରୋନା ପଜିଟିଭ, ୧୮ ଜଣ ୧୮ ବର୍ଷରୁ କମ୍ ବୟସର
ଭୁବନେଶ୍ବରକୁ ଫେରିଲା କରୋନା କଟକଣା; ବଢ଼ିଲା ଶଯ୍ୟା ସଂଖ୍ୟା, ବଢ଼ିବ ନମୁନା ପରୀକ୍ଷା
କାର୍ଯ୍ୟାନୁଷ୍ଠାନ ପାଇଁ ପ୍ରସ୍ତୁତ ବିଏମ୍‌ସି, ପୁଣି ମାସ୍କ ବାଧ୍ୟତାମୂଳକ
ଦୁର୍ଘଟଣାରେ ବରିଷ୍ଠ ଫଟୋ ସାମ୍ବାଦିକ ଅଶୋକ ପଣ୍ଡାଙ୍କ ମୃତ୍ୟୁ
କମିଲା ଏଲ୍‌ପିଜି ସିଲିଣ୍ଡର ଦର
ମୁଣ୍ଡଳୀ ନିକଟରେ ମହାନଦୀକୁ ଡେଇଁଲେ ଯୁବତୀ। ଗୁରୁତର ଅବସ୍ଥାରେ ଉଦ୍ଧାର କଲେ ମତ୍ସ୍ୟଜୀବୀ
ସାରା ଦେଶରେ ଆଜିଠୁ ସିଙ୍ଗଲ ୟୁଜ ପ୍ଲାଷ୍ଟିକ ବ୍ୟାନ , ତିଆରି କିମ୍ବା ବିକ୍ରି କଲେ ୭ ବର୍ଷ ଜେଲ ଦଣ୍ଡ, ଲକ୍ଷେ ଟଙ୍କାର ଜରିମାନା

ଏଥର ମହାପ୍ରଭୁଙ୍କ ବଜେଟ ବଳକା

0

ବର୍ଷ ଶେଷକୁ ୩୩କୋଟି ୬୨ଲକ୍ଷ ଟଙ୍କା ବଳିବ ବୋଲି ହିସାବଟ

ରଥଯାତ୍ରା ଓ ସ୍ନାନଯାତ୍ରାରେ ଖର୍ଚ୍ଚ ହେବ ୧୪ କୋଟି ୭୬ଲକ୍ଷ ଟଙ୍କା

ଦୈନିକ ପାଳିଆ ସେବକଙ୍କ ପାଇଁ ଖର୍ଚ୍ଚ ହେବ ୨୯ କୋଟି ୨୨ଲକ୍ଷ

ଜମି ଅଧିଗ୍ରହଣରୁ ୬୦ଲକ୍ଷ ଟଙ୍କା ଆୟ କରିବାକୁ ଯୋଜନା ରହିିଛି

ପୁରୀ: ପୁରୀ ଶ୍ରୀଜଗନ୍ନାଥ ମନ୍ଦିରର ବାର୍ଷିକ ବଜେଟ୍ ଧୀରେ ଧୀରେ ବୃଦ୍ଧି ପାଇବାରେ ଲାଗିଛି। ୨୦୨୨-୨୩ରେ ଶ୍ରୀମନ୍ଦିର ପ୍ରଶାସନ ୨୩୭ କୋଟି ୫୮ଲକ୍ଷ ଟଙ୍କା ଖର୍ଚ୍ଚ କରିବାକୁ ଯୋଜନା କରିଛନ୍ତି। ଶ୍ରୀମନ୍ଦିର ପରିଚାଳନା କମିଟି ବୈଠକ ଏହାକୁ ଅନୁମୋଦନ ଦେଇଛନ୍ତି। ଉଲ୍ଲେଖନୀୟ କଥା ହେଲା, ଆୟ ଠାରୁ ବ୍ୟୟ ପାଖାପାଖି ୩୩କୋଟି ଟଙ୍କା ଅଧିକ ରହିିଛି। ଏବର୍ଷ ସର୍ବାଧିକ ସରକାରୀ ସହାୟତା ମିଳିବ ବୋଲି ଆଶା କରାଯାଇଛି।

ମିଳିଥିବା ସୂଚନା ଅନୁସାରେ, ୨୦୨୨-୨୩ରେ ବିଭିନ୍ନ ଉତ୍ସରୁ ୨୩୭.୫୮ କୋଟି ଟଙ୍କା ଆୟ ମିଳିବ ବୋଲି ଆଶା କରାଯାଉଛି। ପ୍ରଶାସନ ହିସାବ କରୁଛି ଯେ ରଥଯାତ୍ରା ଠାରୁ ଆରମ୍ଭ କରି କର୍ମଚାରୀଙ୍କ ଦରମା ଓ ଦୈନିକ ପାଳିଆ ସେବାୟତଙ୍କ ଖର୍ଚ୍ଚ ଆଦି ସବୁକୁ ମିଶାଇଲେ ମୋଟ ୨୦୩ କୋଟି ୯୬ଲକ୍ଷ ଟଙ୍କା ଖର୍ଚ୍ଚ ହେବ। ଅର୍ଥାତ୍ ୩୩.୬୨ କୋଟି ଟଙ୍କା ଏବର୍ଷ ଶେଷକୁ ବଳିବ ବୋଲି ଆକଳନ କରାଯାଇଛି। ଆସନ୍ତା ୨୫ ତାରିଖରେ ବୈଠକ ବସି ଏ ସଂପର୍କରେ ବିଶଦ ଆଲୋଚନା କରାଯିବାକୁ ସ୍ଥିର ହୋଇଛି।

ତେବେ ପ୍ରାଥମିକ ଆକଳନ ଅନୁସାରେ, ରାଜସ୍ବ ସ୍ବତ୍ରରୁ ୧୨୬ କୋଟି ୭୩ଲକ୍ଷ ଟଙ୍କା ମିଳିବ ବୋଲି ହିସାବ କରାଯାଇଥିବା ବେଳେ ଦାନ ଓ ଅନ୍ୟାନ୍ୟ ସୂତ୍ରରୁ ୧୧୦ କୋଟି ୮୫ଲକ୍ଷ ଟଙ୍କା ମିଳିବ ବୋଲି ଆକଳନ କରାଯାଇଛି। ତେବେ ଆୟ ମଧ୍ୟରେ ୧୦୧ କୋଟି ୪୬ଲକ୍ଷ ଟଙ୍କା ସରକାରୀ ସହାୟତା ତଥା ୬୦ କୋଟି ଟଙ୍କା ଜମି ଅଧିଗ୍ରହଣରୁ ରୋଜଗାର ପାଇଁ ପ୍ରଶାସନ ଆଶା ବାନ୍ଧିଛି।

ଏଠାରେ ଉଲ୍ଲେଖଥାଉକି, ଦୈନିକ ପାଳିଆ ସେବକଙ୍କ ପ୍ରାପ୍ୟ ବାବଦରେ ଏବର୍ଷ ୨୨କୋଟି ୧୪ଲକ୍ଷ ଟଙ୍କା ଖର୍ଚ୍ଚ ଅଟକଳ କରାଯାଇଥିବା ବେଳେ କର୍ମଚାରୀଙ୍କ ଦରମା ବାବଦରେ ୨୯ କୋଟି ୨୨ଲକ୍ଷ ଟଙ୍କା ଖର୍ଚ୍ଚ ହେବ। ରଥଯାତ୍ରା ଏବଂ ସ୍ନାନଯାତ୍ରାରେ ୧୪ କୋଟି ୭୬ଲକ୍ଷ ଟଙ୍କା ଖର୍ଚ୍ଚ ଅଟକଳ ରହିଛି।

Leave A Reply

Your email address will not be published.