ନୂଆଦିଲ୍ଲୀ: କୋଲ୍ ବ୍ଲକ ଆବଣ୍ଟନ ମାମଲାରେ ପୂର୍ବତନ କେନ୍ଦ୍ର କୋଇଲା ମନ୍ତ୍ରୀ ଦିଲ୍ଲୀପ ରାୟଙ୍କୁ ସିବିଆଇର ଏକ ସ୍ବତନ୍ତ୍ର କୋର୍ଟ ଆଜି ୩ ବର୍ଷ ଜେଲ୍ ଦଣ୍ଡାାଦେଶ ଦେଇଛନ୍ତି। ଏହି ମାମଲାରେ ଅନ୍ୟ ୨ଜଣଙ୍କ ଲାଗି ମଧ୍ୟ ସମାନ ଦଣ୍ଡାଦେଶ ଘୋଷଣା ହୋଇଥିଲା। ପୂର୍ବରୁ କୋର୍ଟ ତାଙ୍କୁ ଦୋଷୀ ସାବ୍ୟସ୍ତ କରିଥିଲେ ଓ ଆଜି ସକାଳୁ ସକାଳୁ ଏହି ରାୟ ପ୍ରକାଶ ପାଇଛି।
ଅଟଳ ବିହାରୀ ବାଜପେୟୀ ସରକାର ସମୟରେ ଝାଡ଼ଖଣ୍ଡର ଏକ କୋଇଲା ଖଣି ଆବଣ୍ଟନ ମାମଲାରେ ଦୁର୍ନୀତି ଅଭିଯୋଗ ଉଠିଥିଲା। ଏହି ମାମଲାରେ ଦିଲ୍ଲୀପ ଛନ୍ଦି ହୋଇଯାଇଥିଲେ। ଅକ୍ଟୋବର ୬ ତାରିଖ ଦିନ ଦିଲ୍ଲୀପଙ୍କ ସମେତ ୩ଜଣଙ୍କୁ କୋର୍ଟ ଦୋଷୀ ବୋଲି ଘୋଷଣା କରିଥିଲେ।