ନୂଆଦିଲ୍ଲୀ: ପୁରୀ ଶ୍ରୀମନ୍ଦିର ସଂକ୍ରାନ୍ତରେ ସୁପ୍ରିମକୋର୍ଟ ଦେଇଥିବା ରାୟ ପାଳନ କରାଯିବା ବେଳେ ନିକଟରେ ହିଂସାକାଣ୍ଡ ଘଟିଛି । ଏହି ଘଟଣାରେ ଏଯାଏ ୮୬ଜଣଙ୍କୁ ଗିରଫ କରିସାରିଲାଣି ପୁଲିସ ପ୍ରଶାସନ । ସେପଟେ ସାବରିମାଳାରେ ମହିଳାଙ୍କ ପ୍ରବେଶ ପ୍ରସଙ୍ଗକୁ ନେଇ ବିବାଦ ଥମିବାର ନାଁ ଧରୁନାହିଁ । ସାବରିମାଳାରେ ସବୁ ବୟସର ମହିଳା ପ୍ରବେଶ କରିପାରିବେ ବୋଲି ସର୍ବୋଚ୍ଚ ଅଦାଲତ ରାୟ ଦେବା ପରେ ବି ମାସିକ ପୂଜା କରାଯାଇପାରୁନାହିଁ ।
ଗତ ପାଞ୍ଚଦିନ ହେଲା ମନ୍ଦିର ଖୋଲାଯାଇଥିଲେ ହେଁ ପୁରୁଷ ଶ୍ରଦ୍ଧାଳୁମାନେ ମହିଳାଙ୍କୁ ମନ୍ଦିରରେ ପ୍ରବେଶ ଅନୁମତି ଦେଉନାହାନ୍ତି । ମହିଳାମାନଙ୍କୁ ଆୟାପ୍ପା ମନ୍ତ୍ର ଉଚ୍ଚାରଣ କରି ଶ୍ରଦ୍ଧାଳୁମାନେ ଅଟକାଉଛନ୍ତି । ଫଳରେ ଏଯାଏ ସୁପ୍ରିମକୋର୍ଟଙ୍କ ନିର୍ଦେଶର କାର୍ଯ୍ୟାନ୍ୱୟନ ହୋଇପାରୁନାହିଁ । ୧୦ ବର୍ଷିୟା ନାବାଳିକା ଠାରୁ ୫୦ ବର୍ଷର ମହିଳା ନାସ୍ତିକ ବ୍ରହ୍ମଚାରୀ ଆୟାପ୍ପାଙ୍କ ଦର୍ଶନ କରିବା ମହାପାପ ବୋଲି ସ୍ଥାନୀୟ ଅଞ୍ଚଳରେ ବିଶ୍ୱାସ ରହିଥିଲା । କୋର୍ଟ ଏହି ବର୍ଗର ନାବାଳିକା ଓ ମହିଳାଙ୍କୁ ମନ୍ଦିର ପ୍ରବେଶ କରିବା ଲାଗି ରୋକାଯାଇପାରିବ ନାହିଁ ବୋଲି ସ୍ପଷ୍ଟ କରିଦେଇଥିଲେ ।