ପ୍ରମୁଖ ଖବର

କଟକ ଏସସିବି ମେଡ଼ିକାଲ କଲେଜ ଓ ହସ୍ପିଟାଲରେ ନର୍ସିଂ କର୍ମଚାରୀ ଓ ହାଉସ ସର୍ଜନଙ୍କ ମଧ୍ୟରେ ତେଜୁଛି ବିବାଦ
ଘରୋଇ ସଂସ୍ଥାରେ କନ୍ନଡ଼ ଲୋକଙ୍କ ପାଇଁ ୭୦% ଚାକିରି ସଂରକ୍ଷଣ କଲେ କର୍ଣ୍ଣାଟକ ସରକାର
ହରିଆଣା ସରକାର ଅଗ୍ନିପଥ ଯୋଜନାରେ କାର୍ଯ୍ୟ କରିଥିବା ଅଗ୍ନିବୀରମାନଙ୍କୁ ପୁଲିସ ଏବଂ ମାଇନିଂ ଗାର୍ଡ ଚାକିରିରେ ୧୦ ପ୍ରତିଶତ ସଂରକ୍ଷଣ ବ୍ୟବସ୍ଥା କଲେ
ଆଜି ସୁନା ବେଶ : ଦୁନିଆ ଦେଖିବା ଜଗାର ମହଣ ମହଣ ସୁନା
ମହାରାଷ୍ଟ୍ର ସରକାର ରାଜ୍ୟର ଯୁକ୍ତ ଦୁଇ, ଯୁକ୍ତ ତିନି ଓ ଡିପ୍ଲୋମାଧାରୀ ଛାତ୍ରଛାତ୍ରୀଙ୍କ ଆର୍ଥିକ ସହାୟତା ପାଇଁ ଲାଡଲା ଭାଇ ଯୋଜନାର ଘୋଷଣା କରିଛନ୍ତି
ବିଜେପି ସରକାରର ସବୁ ବିଭାଗ ଉପରେ ନଜର ରଖିବ ବିଜେଡି, ଦଳର ୫୦ ବିଧାୟକଙ୍କ ମଧ୍ୟରେ ବିଭାଗ ବାଣ୍ଟିଲେ ନବୀନ

ପରୀକ୍ଷା ବଡ଼ ନୁହେଁ, ଜୀବନ ବଡ଼

0

ପିଲାଙ୍କୁ ଅନ୍ୟର ରେକର୍ଡ ସହ ତୁଳନା ନ କରିବାକୁ ପରାମର୍ଶ
ମହତ୍ୱାକାଂକ୍ଷା ଠାରୁ ଦୂରେଇ ରହିବାକୁ ଅଭିଭାବକମାନଙ୍କୁ ଆହ୍ୱାନ
ଲକ୍ଷ୍ୟପ୍ରାପ୍ତିର ମାର୍ଗ ମଧ୍ୟ ସରଳ ଓ ଚାପମୁକ୍ତ ହେବା ଜରୁରୀ
ପରୀକ୍ଷା ଏକ ଉତ୍ସବ, ଅବସାଦ ନୁହେଁ

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଦେଶର ଛାତ୍ରଛାତ୍ରୀଙ୍କ ସହ ‘ପରୀକ୍ଷା ପେ ଚର୍ଚ୍ଚା’ କାର୍ଯ୍ୟକ୍ରମରେ ଆଜି ବିସ୍ତୃତ ଭାବେ ମତ ବିନିମୟ କରିଛନ୍ତି । ବାର୍ଷିକ ପରୀକ୍ଷା ପୂର୍ବରୁ ଛାତ୍ରଛାତ୍ରୀମାନଙ୍କୁ ଚାପମୁକ୍ତ ରଖିବା ଏବଂ ଅବସାଦ ଶୂନ୍ୟ କରିବା ଲକ୍ଷ୍ୟରେ ଏହି କାର୍ଯ୍ୟକ୍ରମ କେନ୍ଦ୍ର ମାନବସମ୍ବଳ ବିକାଶ ମନ୍ତ୍ରଣାଳୟ ପକ୍ଷରୁ ଆୟୋଜନ କରାଯାଇଥିଲା । ନୂଆଦିଲ୍ଲୀର ତାଲକୋଟାରା ଷ୍ଟାଡିୟମରୁ ପ୍ରଧାନମନ୍ତ୍ରୀ ଶହଶହ ଛାତ୍ରଛାତ୍ରୀଙ୍କ ସହ ମୁକ୍ତ ବିଚାର ଉପସ୍ଥାପନ କରିଥିଲେ । ଛାତ୍ରଛାତ୍ରୀ, ଅଭିଭାବକ ତଥା ଶିକ୍ଷକମାନଙ୍କର ବିଭିନ୍ନ ପ୍ରଶ୍ନର ମଧ୍ୟ ଜବାବ ରଖିଥିଲେ ପ୍ରଧାନମନ୍ତ୍ରୀ ।
ପ୍ରଧାନମନ୍ତ୍ରୀ କହିଥିଲେ “ସ୍କୁଲ ପରୀକ୍ଷା ଜୀବନରେ କେବେହେଲେ ବଡ଼ ନୁହେଁ । ଜୀବନରେ ବଂଚିବାକୁ ହେଲେ ଅନେକ ପରୀକ୍ଷାର ସମ୍ମୁଖୀନ ହେବାକୁ ପଡ଼ିବ । ସ୍କୁଲ ପରୀକ୍ଷା ବା କଲେଜ ପରୀକ୍ଷା ସେମାନଙ୍କ ମଧ୍ୟରେ ଅନ୍ୟତମ । ଗୋଟିଏ ଖେଳନା ଭାଙ୍ଗିଗଲେ ବାଲ୍ୟ ଜୀବନ ନଷ୍ଟ ହୁଏ ନାହିଁ । ସେହିଭଳି ଗୋଟିଏ ପରୀକ୍ଷା ଖରାପ ହେଲେ ଜୀବନ ନଷ୍ଟ ହୁଏ ନାହିଁ । ଏଥିଲାଗି ଛାତ୍ରଛାତ୍ରୀ, ପିତାମାତା, ଶିକ୍ଷକ ଏବଂ ସ୍କୁଲ କର୍ତୃପକ୍ଷ କଦାପି ବିଚଳିତ ହେବା ଉଚିତ ନୁହେଁ । ଶିକ୍ଷକ ଓ ଅଭିଭାବକମାନେ ପିଲାଙ୍କ ଉପରେ ସର୍ବାଧିକ ପ୍ରଭାବ ପକାଇଥାନ୍ତି । ତେଣୁ ସେମାନେ ବିଚଳିତ ନ ହୋଇ ପିଲାଙ୍କୁ ଅବସାଦ ମୁକ୍ତ ଏବଂ ଚାପଶୂନ୍ୟ ରହିବା ଦିଗରେ ଅନୁପ୍ରେରିତ କରିବାକୁ ପଡ଼ିବ । ର୍ୟାଙ୍କିଙ୍ଗ୍ ପଛରେ ନ ଗୋଡ଼ାଇ ଜୀବନକୁ ସରଳ, ସୁନ୍ଦର ଓ ସାବଲୀଳ କରିବା ଲାଗି ପିଲାଙ୍କୁ ଶିକ୍ଷା ଦେବାକୁ ପଡ଼ିବ । ବାର୍ଷିକ ପରୀକ୍ଷା ସମୟରେ ପିଲାଙ୍କୁ ସବୁବେଳେ ଖୁସିରେ ରଖିବା ଆବଶ୍ୟକ । ପିଲାଙ୍କଠାରେ ଯଦି ସାମାନ୍ୟ ମାନସିକ ଅବସାଦ କିମ୍ବା ଚାପ ପରିଲକ୍ଷିତ ହେଉଛି, ତାହାହେଲେ ମନୋବୈଜ୍ଞାନିକ ବିଶେଷଜ୍ଞ ତଥା ଡାକ୍ତରଙ୍କ ପରାମର୍ଶ ନେବା ଆବଶ୍ୟକ । ଏଥିଲାଗି ପିତାମାତା ତିଳେହେଲେ ସଂକୋଚ ପ୍ରକାଶ କରିବା ଉଚିତ ନୁହେଁ” ବୋଲି ପ୍ରଧାନମନ୍ତ୍ରୀ ପରାମର୍ଶ ଦେଇଥିଲେ ।
‘ପରୀକ୍ଷା ପେ ଚର୍ଚ୍ଚା’ କାର୍ଯ୍ୟକ୍ରମରେ ଯୋଗ ଦେଇଥିବା ଛାତ୍ରଛାତ୍ରୀମାନଙ୍କୁ ଲକ୍ଷ୍ୟ କରି ପ୍ରଧାନମନ୍ତ୍ରୀ କହିଥିଲେ ଯେ ଏହା ଏକ ଛୋଟ ଭାରତ ଏବଂ ଭବିଷ୍ୟ ଭାରତର ପରିକଳ୍ପନାକୁ ପ୍ରତିଫଳିତ କରୁଛି । ଭବିଷ୍ୟତର ଯୁବପିଢି ତଥା ନାଗରିକ କିଭଳି ସରଳ ଓ ସୁନ୍ଦର ଜୀବନ ଜୀଇଁବେ ସେଥିଲାଗି ସେ ସେମାନଙ୍କ ମନରେ ଉତ୍ସାହ ଓ ଉଦ୍ଧୀପନା ଭରିବାକୁ ଚାହୁଁଛନ୍ତି । ସେ ପିଲାଙ୍କ ସାମର୍ଥ୍ୟକୁ ଭଲଭାବେ ହୃଦୟଙ୍ଗମ କରିବା ଲାଗି ଅଭିଭାବକ ଓ ଶିକ୍ଷକମାନଙ୍କୁ ଆହ୍ୱାନ ଦେଇଥିଲେ । ପ୍ରଧାନମନ୍ତ୍ରୀ କହିଥିଲେ ଯେ “ପିଲାଙ୍କ ଭିତରେ ପ୍ରତିଯୋଗିତାମୂଳକ ମନୋଭାବ ସୃଷ୍ଟି କରିବା ଖରାପ କଥା ନୁହେଁ । କିନ୍ତୁ ସେମାନଙ୍କ ମନରେ ଅଯଥା ଓ ଅନାବଶ୍ୟକ ମହତ୍ୱାକାଂକ୍ଷା ଭର୍ତି କରିବା ଦ୍ୱାରା ଛାତ୍ରଛାତ୍ରୀ କମ୍ ବୟସରୁ ଚାପଗ୍ରସ୍ତ ହୋଇ ମାନସିକ ଅବସାଦର ଶିକାର ହୋଇଥାନ୍ତି । ପିଲାଙ୍କ ବିଫଳତା ସତ୍ୱେ ସେମାନଙ୍କୁ ପ୍ରୋତ୍ସାହିତ ଓ ଉତ୍ସାହିତ କରିବାକୁ ପଡ଼ିବ । ସେମାନଙ୍କ ମଧ୍ୟରେ ଧୈର୍ଯ୍ୟ, ସାହସ ଓ ସକାରାତ୍ମକତା ଭରିବାକୁ ପଡ଼ିବ । କେବେହେଲେ ସେମାନଙ୍କ ମନ ଭିତରେ ନିରାଶା ଓ ହତାଶାର ଭାବ ସୃଷ୍ଟି ନ କରିବାକୁ” ପ୍ରଧାନମନ୍ତ୍ରୀ ପରାମର୍ଶ ଦେଇଥିଲେ ।
ପ୍ରଧାନମନ୍ତ୍ରୀ କହିଥିଲେ ଯେ ଅନେକ ସମୟରେ ତାଙ୍କୁ ଲୋକେ କହୁଛନ୍ତି ଯେ ସେ ଅନେକ ଆଶା ଓ ଆକାଂକ୍ଷା ଭରି ଦେଉଛନ୍ତି, ଯାହାକୁ ହାସଲ କରିବା କଷ୍ଟକର ହୋଇଥାଏ । କିନ୍ତୁ ଆଶା ଓ ଆଗ୍ରହର ଅର୍ଥ ନୁହେଁ ଅନ୍ୟ ସହ ତୁଳନା କରିବା କିମ୍ବା ର୍ୟାଙ୍କିଙ୍ଗ୍ ପଛରେ ଗୋଡ଼ାଇବା । ୧୨୫ କୋଟି ଭାରତୀୟଙ୍କ ଆଶା, ଆକାଂକ୍ଷା, ଉତ୍ସାହ, ଉଦ୍ଧୀପନା ହିଁ ଦେଶକୁ ଆଗକୁ ନେବ । ପ୍ରତ୍ୟେକ ପରିବାରରେ ବାର୍ଷିକ ପରୀକ୍ଷା ବେଳେ ଚାପ ରହିଥାଏ । ପିଲାମାନେ କିପରି ଭଲ କରିବେ ସେଥିଲାଗି ପିତାମାତା ଉଚ୍ଚ ଆଶା ରଖିଥାନ୍ତି । ତେବେ ତାହା ଛାତ୍ରଛାତ୍ରୀଙ୍କ ମନରେ କୌଣସି ମନୋବୈଜ୍ଞାନିକ ଚାପ ସୃଷ୍ଟି କରିବା ଉଚିତ ନୁହେଁ । “ସାମାଜିକ ଉତ୍ସବାନୁÂାନ, ଅନ୍ୟାନ୍ୟ ପାରିବାରିକ ସମାରୋହ ବେଳେ ପିଲାର ପାଠପଢା, ସଫଳତା, ବିଫଳତା ଅଥବା ଅନ୍ୟ ପିଲା ସହ ନିଜ ପିଲାର ତୁଳନା କରିବା ଆଦି ପ୍ରସଙ୍ଗ କଦାପି ଆଲୋଚନା କରାଯିବା ସମୀଚିନ ନୁହେଁ । ଏହା ପିଲାଙ୍କ ଉପରେ ଅଯଥା ଚାପ ସୃଷ୍ଟି କରେ ଓ ନକାରାତ୍ମକ ଭାବନା ବୃଦ୍ଧି କରିଥାଏ । ପିତାମାତା ବିଶେଷ ଭାବେ ଏଥିରୁ ନିବୃତ ରହିବାକୁ” ସେ ପରାମର୍ଶ ଦେଇଥିଲେ ।
ଛାତ୍ରଛାତ୍ରୀଙ୍କ ସହ ମତ ବିନିମୟ କାଳରେ ପ୍ରଧାନମନ୍ତ୍ରୀ କହିଥିଲେ ଯେ “ଟେକ୍ନୋଲଜି ମଣିଷ ଜୀବନକୁ ସରଳ ଓ ସୁଗମ ତଥା ଜୀବନ ଧାରଣକୁ ସହଜ କରିବା ଲାଗି ଉଦ୍ଧିଷ୍ଟ । ଏହା କେବେହେଲେ ଜୀବନକୁ ସଂକୁଚିତ କରିବା ପାଇଁ ଅଭିପ୍ରେତ ନୁହେଁ । ଟେକ୍ନୋଲଜି ଆମର ଜ୍ଞାନ, ପରିବାର, ସମାଜ ଏବଂ ବାତାବରଣକୁ ପରିବ୍ୟାପ୍ତ ଓ ସଂପ୍ରସାରିତ କରିଥାଏ । ଏହାର ଉପଯୁକ୍ତ ଉପଯୋଗ ହେଲେ ସମାଜର ଅନେକ ମଙ୍ଗଳ ସାଧିତ ହୋଇଥାଏ । ସେହିପରି ଖେଳ ମଧ୍ୟ ଜୀବନର ଏକ ଅଭିନ୍ନ ଅଙ୍ଗ । ପିତାମାତା ପିଲାକୁ ସବୁବେଳେ ପାଠ ପଢିବା ଲାଗି ଚାପଗ୍ରସ୍ତ କରିବା ପରିବର୍ତେ ଦୈନିକ ଖେଳ କସରତରେ ମଗ୍ନ ରହିବାକୁ ଉତ୍ସାହିତ କରନ୍ତୁ । ଏହାଦ୍ୱାରା ପିଲାର ମାନସିକ ଅଭିବୃଦ୍ଧି ଘଟିବ ଏବଂ ଅବସାଦ ଦୂର ହେବ । ସେ କହିଥିଲେ ଯେ ଲକ୍ଷ୍ୟ ଦୁଇ ପ୍ରକାରର – ଛୋଟ ଓ ବ୍ୟାପକ । ଯାହାକି ପିଲାମାନଙ୍କ ଜୀବନକୁ ସୁନ୍ଦର କରିବା ଲାଗି ଉଦ୍ଧିଷ୍ଟ । ଲକ୍ଷ୍ୟ ପ୍ରାପ୍ତିର ମାର୍ଗ ମଧ୍ୟ ସରଳ ଓ ଚାପମୁକ୍ତ ହେବା ଆବଶ୍ୟକ”ା
ପିଲାମାନଙ୍କ ମନରେ ପ୍ରେରଣା ଦେଇ ପ୍ରଧାନମନ୍ତ୍ରୀ କହିଥିଲେ ଯେ “ଜୀବନରେ ଅନେକ ପରୀକ୍ଷାର ସମ୍ମୁଖୀନ ହେବାକୁ ପଡ଼ିବ । ଏଣୁ ଶିକ୍ଷାନୁÂାନର ପରୀକ୍ଷାଗୁଡ଼ିକ ଜୀବନ ପରୀକ୍ଷା ଆଗରେ ବିଶେଷ ବଡ଼ ନୁହେଁ । ପରୀକ୍ଷା ଛାତ୍ରଛାତ୍ରୀଙ୍କ ଏକ ନିର୍ଦ୍ଧିଷ୍ଟ ସମୟର ସାମର୍ଥ୍ୟ ଜାଣିବା ଲାଗି ଉଦ୍ଧିଷ୍ଟ । ଏଣୁ ମାର୍କ ପଛରେ ଦୌଡ଼ିଲେ ଜୀବନ ପଛରେ ପଡିଯିବ । କିନ୍ତୁ ଜୀବନ ସାଥୀରେ ତାଳଦେଇ ଚାଲିଲେ ପରୀକ୍ଷାର ମାର୍କ ଆପଣଙ୍କ ପଛେ ପଛେ ଦୌଡ଼ିବ” ବୋଲି ସେ କହିଥିଲେ

Leave A Reply

Your email address will not be published.