ବରଫ ନେଲାଣି ୩୫ ପ୍ରାଣ

ଵାଶିଂଟନ: ଆମେରିକାରେ ଅସହ୍ୟ ଥଣ୍ଡା ପରିସ୍ଥିତିରେ ସୁଧାର ଆସୁନାହିଁ । ସ୍ଥିତି ଏମିତି ଯେ ଏବେ ବି ତାପମାତ୍ରା ବିଯୁକ୍ତ ୫୦ ଡିଗ୍ରି ରହିଛି । ଲୋକେ ତ୍ରାହି ତ୍ରାହି ଡାକିଲେଣି । ଦେଖାଦେଇଥିବା ଏହି ମେରୁଝଡ କାରଣରୁ ୩୫ ଜଣଙ୍କ ପ୍ରାଣହାନି ହୋଇ ସାରିଥିବା କୁହାଯାଉଛି । ପାଣିପାଗବିତ୍‍ଙ୍କର କହିବା କଥା, ଆଗକୁ ସ୍ଥିତି ଆହୁରି ଜଟିଳ ହୋଇପାରେ । ବିଭିନ୍ନ ସ୍ଥାନରେ ଗରମ ଆଶ୍ରୟସ୍ଥଳ ପ୍ରସ୍ତୁତ କରାଯାଇଥିଲେ ବି ଲୋକେ ଦୁର୍ଦଶା ଭିତରୁ ବାହାରି ପାରୁନାହାନ୍ତି । ଗତ ୨୦ ବର୍ଷ ମଧ୍ୟରେ ଏମିତି ପରିସ୍ଥିତି ହୋଇନଥିବା ପ୍ରକାଶ । ଏଥିପାଇଁ ବିମାନ ସେବା ବି ବାତିଲ୍‍ କରିଦିଆଯାଇଛି ।