ପ୍ରମୁଖ ଖବର

କଟକ ଏସସିବି ମେଡ଼ିକାଲ କଲେଜ ଓ ହସ୍ପିଟାଲରେ ନର୍ସିଂ କର୍ମଚାରୀ ଓ ହାଉସ ସର୍ଜନଙ୍କ ମଧ୍ୟରେ ତେଜୁଛି ବିବାଦ
ଘରୋଇ ସଂସ୍ଥାରେ କନ୍ନଡ଼ ଲୋକଙ୍କ ପାଇଁ ୭୦% ଚାକିରି ସଂରକ୍ଷଣ କଲେ କର୍ଣ୍ଣାଟକ ସରକାର
ହରିଆଣା ସରକାର ଅଗ୍ନିପଥ ଯୋଜନାରେ କାର୍ଯ୍ୟ କରିଥିବା ଅଗ୍ନିବୀରମାନଙ୍କୁ ପୁଲିସ ଏବଂ ମାଇନିଂ ଗାର୍ଡ ଚାକିରିରେ ୧୦ ପ୍ରତିଶତ ସଂରକ୍ଷଣ ବ୍ୟବସ୍ଥା କଲେ
ଆଜି ସୁନା ବେଶ : ଦୁନିଆ ଦେଖିବା ଜଗାର ମହଣ ମହଣ ସୁନା
ମହାରାଷ୍ଟ୍ର ସରକାର ରାଜ୍ୟର ଯୁକ୍ତ ଦୁଇ, ଯୁକ୍ତ ତିନି ଓ ଡିପ୍ଲୋମାଧାରୀ ଛାତ୍ରଛାତ୍ରୀଙ୍କ ଆର୍ଥିକ ସହାୟତା ପାଇଁ ଲାଡଲା ଭାଇ ଯୋଜନାର ଘୋଷଣା କରିଛନ୍ତି
ବିଜେପି ସରକାରର ସବୁ ବିଭାଗ ଉପରେ ନଜର ରଖିବ ବିଜେଡି, ଦଳର ୫୦ ବିଧାୟକଙ୍କ ମଧ୍ୟରେ ବିଭାଗ ବାଣ୍ଟିଲେ ନବୀନ

ଶାହଙ୍କ ଆହ୍ୱାନ, ଚ୍ୟାଲେଞ୍ଜ ଦେଲେ ନବୀନ

0

ପୋଡା ଟ୍ରାନସଫର୍ମର, କାଢି ଫିଙ୍ଗିଦିଅ:ଶାହ
ଅପେକ୍ଷା କର, କିଏ ରହୁଛି, କିଏ ଯାଉଛି: ନବୀନ

ଭୁବନେଶ୍ୱର: ପୁରୀରେ ଜନଜାତି ରାଷ୍ଟ୍ରୀୟ କାର୍ଯ୍ୟକାରିଣୀରେ ଯୋଗଦେଇ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ସରକାରଙ୍କୁ ଉପାଡି ଫିଙ୍ଗିଦେବା ଆହ୍ୱାନ ଦେଇଥିଲେ । ଏହାର କେଇ ମୁହୂର୍ତ ପରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ମୁହଁତୋଡ ଜବାବ ଦେଇ ସିଧା ସିଧା କହିଛନ୍ତି,୨୦୧୯ ନିର୍ବାଚନ ଫଳାଫଳକୁ ଅପେକ୍ଷା କର । କିଏ ଯାଉଛି, କିଏ ରହୁଛି ଜଣାପଡିବ ।
ଅମିତ ଶାହ-ନବୀନଙ୍କ ମଧ୍ୟରେ ବାକ୍‍ ଯୁଦ୍ଧ ଆଜି ରାଜ୍ୟ ରାଜନୀତିରେ ଚର୍ଚ୍ଚାର ବିଷୟ ହୋଇଛି । ଶାହଙ୍କ ଶଦ୍ଦ ବାଣରେ ବିଜେପି ନେତା ଯେତିକି ଉତ୍ସାହିତ ହୋଇଥିଲେ, ଏବେ ନବୀନଙ୍କ ପ୍ରତିଜବାବରେ ବିଜେଡି ନେତାମାନେ ତା ଠାରୁ ଅଧିକ ଉଲ୍ଲସିତ ହୋଇଛନ୍ତି । ଏଥିସହିତ ପ୍ରାକ୍‍ ନିର୍ବାଚନୀ ବାତାବରଣ ଓଡ଼ିଶାରେ ସରଗରମ ହୋଇଛି ।
ଆଜି ପୁରୀ ସମାବେଶରେ ଯୋଗ ଦେଇ ଶ୍ରୀ ଶାହ ରାଜ୍ୟ ସରକାରଙ୍କୁ କେନ୍ଦ୍ର ସରକାର କେତେ ସହାୟତା ଦେଇଛନ୍ତି, ତାହା ପଢି ଶୁଣାଇଥିଲେ । ଜବାବ ମାଗିଥିଲେ ରାଜ୍ୟ ସରକାରଙ୍କୁ । କେବଳ ସେତିକି ନୁହେଁ, ପୂର୍ବଭଳି ସରକାରଙ୍କୁ ଉପାଡି ଫିଙ୍ଗିଦେବା ଲାଗି ଆହ୍ୱାନ ଦେବା ସହିତ ଓଡିଶାରେ ବିଜେଡି କଂଗ୍ରେସର ବି ଟିମ୍‍ ଭଳି କାମ କରୁଛି ବୋଲି କହିଥିଲେ । ବିଜେଡିକୁ ପୋଡା ଟ୍ରାନସଫର୍ମର କହି ଏହାକୁ କାଢି ଫିଙ୍ଗିଦେବାକୁ ବି କର୍ମୀଙ୍କୁ ପ୍ରବର୍ତାଇଥିଲେ ।
ନବୀନ ଆଜି ସାମ୍ୱାଦିକଙ୍କ ସାମ୍ନାରେ ଏହାର ଦୃଢ ପ୍ରତିଜବାବ ଦେଇ କହିଛନ୍ତି ଯେ ଆଗାମୀ ନିର୍ବାଚନରେ ଜଣାପଡିବ, କିଏ ଯାଉଛି, କିଏ ରହୁଛି । ରାଜ୍ୟବାସୀ ନିଷ୍ପତ୍ତି ନେବେ କାହାକୁ ରଖିବେ ଓ କାହାକୁ ଫୋପାଡିବେ । ଏଥିପାଇଁ ୨୦୧୯ ନିର୍ବାଚନ ପର୍ଯ୍ୟନ୍ତ ଅପେକ୍ଷା କର ।
ଶାହଙ୍କୁ ଇଙ୍ଗିତ କରି ନବୀନ ଆହୁରି କହିଥିଲେ ଯେ ସେ ଯାହା ଚାହୁଁଛନ୍ତି, ତାଙ୍କୁ କହିବାକୁ ଦିଆଯାଉ । ଆମ ନିଜର ଏ ଟିମ୍‍ । ଉଭୟ ବିଜେପି ଓ କଂଗ୍ରେସ ଠାରୁ ସମଦୂରତା ରକ୍ଷା କରୁଛି । ରାଜ୍ୟବାସୀଙ୍କ ଉପରେ ମୋର ଦୃଢ ବିଶ୍ୱାସ ଅଛି ଯେ ଆଗାମୀ ନିର୍ବାଚନରେ ସେମାନେ ଆମକୁ ବହୁ ସଂଖ୍ୟାରେ ଜିତାଇବେ । ସେହିଭଳି ଶାହଙ୍କ ୧୨୦ ମିସନକୁ ସେ ବକଵାସ ବୋଲି କହି ଉଡାଇ ଦେଇଥିଲେ ।

Leave A Reply

Your email address will not be published.