ପ୍ରମୁଖ ଖବର

ସରକାରୀ ବାସଭବନ ନ ଛାଡିବା ନେଇ ସ୍ପଷ୍ଟିକରଣ ରଖିଲେ ପୂର୍ବତନ ସିଜେଆଇ ଚନ୍ଦ୍ରଚୂଡ
ପ୍ରବଳ ବର୍ଷା ଯୋଗୁଁ ବନ୍ଦ ହେଲା କେଦାରନାଥ ଯାତ୍ରା
ହସ୍ପିଟାଲରୁ ଡିସଚାର୍ଜ ହେଲେ ନବୀନ ପଟ୍ଟନାୟକ
ପ୍ରକାଶ ପାଇଲା ଯୁକ୍ତ ଦୁଇ ପ୍ରଥମ ମେଧା ତାଲିକା, ଆଗରେ ରେଭେନ୍ସା
ବିଜେପି ରାଜ୍ୟ ସଭାପତି ହେବେ ମନମୋହନ, ଭରିଲେ ନାମାଙ୍କନ
ଏନକାଉଣ୍ଟରରେ ଦୁର୍ଦ୍ଦାନ୍ତ ମାଓବାଦୀ ନେତା ସୋଡ଼ି କନ୍ନା ନିହତ

ନିଜ ଯୋଜନାର ସ୍ଥିତି ପରଖିବ କୃଷି ବିଭାଗ

0

୩୦ ଜିଲ୍ଲା ଦାୟିତ୍ବରେ ୧୦ ଜଣ କୃଷି ବିଭାଗ ଅଧିକାରୀ
ମାସ ଶେଷ ସୁଦ୍ଧା ବିଭାଗୀୟ ସଚିବଙ୍କୁ ରିପୋର୍ଟ

ଭୁବନେଶ୍ବର: ଚାଷୀଙ୍କ ପାଇଁ ନବୀନ ସରକାର ବହୁ ଯୋଜନା ଦେଇଛନ୍ତି। ଏସବୁ ଯୋଜନା ଚାଷୀଙ୍କ ପାଖରେ ପହଞ୍ଚୁଛି କି ନାହିଁ, ତାହା ଅନୁଧ୍ୟାନ କରିବାକୁ ୩୦ଟି ଜିଲ୍ଲାରେ କ୍ଷତେ୍ର ପରିର୍ଦଶନ କରିବେ କୃଷି ବିଭାଗର ୧୦ ଜଣ ବରିଷ୍ଠ ଅଧିକାରୀ। ଏହି ଅନୁଧ୍ୟାନକାରୀ ଦଳରେ ଉପସଚିବ, ଯୁଗ୍ମ ସଚିବ, ଅତିରିକ୍ତ ଶାସନ ସଚିବ ଓ ସ୍ବତନ୍ତ୍ର ସଚିବ ପାହ୍ୟାର ଅଧିକାରୀ ସାମିଲ ଅଛନ୍ତି। ଆଜିଠାରୁ ୨୨ ତାରିଖ ର୍ପଯ୍ୟନ୍ତ ଏହି ଅଧିକାରୀମାନେ ସବୁ ଜିଲ୍ଲା ଗସ୍ତ କରି ଚଳିତମାସ ଶେଷ ସୁଦ୍ଧା କୃଷି ବିଭାଗର ପ୍ରମୁଖ ଶାସନ ସଚିବଙ୍କୁ ରିପୋର୍ଟ ପ୍ରଦାନ କରିବେ।
ଉଲ୍ଲେଖଯୋଗ୍ୟ, କୃଷି ଓ କୃଷକ ସଶକ୍ତିକରଣ ବିଭାଗ ମନ୍ତ୍ରୀ ଅରୁଣ ସାହୁଙ୍କ ନିର୍ଦେଶ କ୍ରମେ, ଜଣେ ଅଧିକାରୀ ୩ଟି ଲେଖାଏଁ ଜିଲ୍ଲା ଗସ୍ତ କରିବେ। କାଳିଆ ଯୋଜନା,ପ୍ରଧାନମନ୍ତ୍ରୀ ଫସଲ ବୀମା ଆଦି ବିଭାଗର ସମସ୍ତ କାର୍ଯ୍ୟକ୍ରମ ଓ ଯୋଜନା ଯାଞ୍ଚ କରିବେ। ଚାଷୀଙ୍କୁ ମିଳୁଥିବା ବିହନର ମାନ, ଫସଲ ପାଇଁ ଉପଯୁକ୍ତ ଜମି ଓ ଅନୁକୂଳ ପାଣିପାଗ ସମତେ ରୋଗପୋକ ଅବସ୍ଥା, କାଳିଆ ଯୋଜନାର କାର୍ଯ୍ୟକାରିତା, ଓଡ଼ିଶା ମିଲେଟ ମିସନ ଯୋଜନା, ମନରେଗା, ଜାତୀୟ ସ୍ବାସ୍ଥ୍ୟ ମିସନ, ପ୍ରଧାନମନ୍ତ୍ରୀ କୃଷି ବିକାଶ ଯୋଜନା, ପ୍ରଧାନମନ୍ତ୍ରୀ କୃଷି ଜଳସଚେନ ଯୋଜନା, ଆତ୍ମା କାର୍ଯ୍ୟକ୍ରମ, ବିହନ ଗ୍ରାମ ଯୋଜନା, ଜମିର ଉର୍ବରତା ମାପିବା ପାଇଁ ମୃତ୍ତିକା ସ୍ବାସ୍ଥ୍ୟ କାର୍ଡ଼ ସମତେ ପ୍ରଧାନମନ୍ତ୍ରୀ ଫସଲ ବୀମା ଅନ୍ତର୍ଗତ ଚାଷୀମାନଙ୍କୁ ବୀମା କ୍ଷତିପୂରଣ ମିଳିବାରେ ସୁବିଧା ହେଉଛି କି ନାହିଁ ସେସବୁର ଅନୁଧ୍ୟାନ କରିବେ ସରକାରୀ ବାବୁ। କୃଷି ବିଭାଗର ଏହି ଅଧିକାରୀମାନେ ଗୋଟିଏ ଜିଲ୍ଲାରେ ଅନ୍ତତଃ ଗୋଟିଏ ରାତି ରହି ବିସ୍ତୃତ ତଥ୍ୟ ସଂଗ୍ରହ କରିବା ସହ ଜିଲ୍ଲା ସ୍ତରରେ ସଭା ଡାକି ବିଭାଗୀୟ ଅଧିକାରୀ ଓ ଜିଲ୍ଲା ପ୍ରଶାସନଠାରୁ ବାସ୍ତବ ସ୍ଥିତିର ସମୀକ୍ଷା କରିବାକୁ ନିର୍ଦେଶ ଦିଆଯାଇଛି।

Leave A Reply

Your email address will not be published.