ଆଫ୍ଗାନରେ ଆତଙ୍କବାଦୀ ବିସ୍ଫୋରଣ
ଗଜନୀ: ପୂର୍ବ ଆଫଗାନିସ୍ତାନରେ ଆତଙ୍କବାଦୀ ବଡ଼ ଧରଣର ବିସ୍ଫୋରଣ ଘଟାଇଛନ୍ତି। ତାଲିବାନ ଆତଙ୍କବାଦୀଙ୍କ ଆତ୍ମଘାତୀ ବିସ୍ଫୋରଣରେ ୧୫ ଜଣ ଲୋକଙ୍କ ମୃତ୍ୟୁ ଘଟିଥିବା ସୂଚନା ମିଳିଛି। ଏହି ଘଟଣାରେ ୧୭୦ରୁ ଅଧିକ ଲୋକ ଆହତ ହୋଇଛନ୍ତି। ୨୫ରୁ ଅଧିକ ଲୋକଙ୍କ ଅବସ୍ଥା ସଙ୍କଟାପନ୍ନ ରହିଛି। ଆତଙ୍କବାଦୀମାନେ ଏକ ବଜାରକୁ ଟାର୍ଗେଟ କରି ଏଭଳି କାଣ୍ଡ ଭିଆଇଛନ୍ତି। ଫଳରେ ସାଧାରଣ ଲୋକଙ୍କର ପ୍ରାଣହାନି ଘଟିଛି। ଏହି ଘଟଣା ପରେ ଆଫଗାନସେନା ବଡ଼ ଧରଣର ଚଢଉ ଜାରି ରଖିଥିବା ସୂଚନା ମିଳିଛି।