ରାଜ୍ୟରେ ୧୦୭ ପୌରାଞ୍ଚଳ ପାଇଁ ସଂରକ୍ଷଣ ତାଲିକା ପ୍ରକାଶ ପାଇଛି । ରାଜ୍ୟ ନିର୍ବାଚନ କମିଶନ କାଉନସିଲରଙ୍କ ପାଇଁ ତାଲିକା ପ୍ରକାଶ କରିଛନ୍ତି । ମୋଟ ୧୭୫୬ଟି ୱାର୍ଡରୁ ୬୬୮ଟି ଅଣସଂରକ୍ଷିତ ରହିଛି । ମହିଳାଙ୍କ ପାଇଁ ୬୧୩ଟି ୱାର୍ଡ ସଂରକ୍ଷିତ ରହିଛି । ସେହିପରି ଏସସିଙ୍କ ୧୨୨ ଓ ଏସସି ମହିଳାଙ୍କ ପାଇଁ ୧୭୧ଟି ୱାର୍ଡ ଓ ଏସଟି ପାଇଁ ୪୯, ଏସଟି ମହିଳାଙ୍କ ପାଇଁ ୧୩୩ଟି ୱାର୍ଡ ସଂରକ୍ଷିତ ରହିଛି ।
ସେହପରି ମୁଖ୍ୟ ନିର୍ବାଚନ କମିଶନ ଆଦିତ୍ୟ ପ୍ରସାଦ ପାଢୀଙ୍କ ସୂଚନା ଅନୁସାରେ, ଫେବୃଆରୀ ୧୦ ତାରିଖରେ ପ୍ରାଥମିକ ଭୋଟର ତାଲିକା ପ୍ରକାଶ ପାଇବ । ଦାବି ଓ ଆପତ୍ତି ଅଭିଯୋଗ ଦାଖଲ ପାଇଁ ୬ ଦିନ ସମୟ ଦିଆଯିବ । ।ଫେବୃଆରୀ ୧୧ରୁ ଫେବୃଆରୀ ୧୬ ଯାଏ ଦାବି ଓ ଆପତ୍ତି ନେଇ ନିର୍ବାଚନ ଅଧିକାରୀଙ୍କ ନିକଟରେ ଅଭିଯୋଗ ଦାଖଲ ହୋଇପାରିବ । ଏହା ପରେ ୧୮ରେ ଦାବି ଓ ଆପତ୍ତି ଗୁଡିକର ତଦନ୍ତ ଓ ଫଇସଲା ହେବ । ଫେବୃଆରି ୨୪ରେ ଚୂଡାନ୍ତ ଭୋଟର ତାଲିକା ପ୍ରକାଶ ପାଇବ । ୨୮ରେ ରାଜ୍ୟ ନିର୍ବାଚନ କମିଶନଙ୍କୁ ଭୋଟର ତାଲିକା ଦିଆଯିବ । ରାଜ୍ୟ ନିର୍ବାଚନ କମିଶନ ଆଦିତ୍ୟ ପ୍ରସାଦ ପାଢୀ ପ୍ରେସ ମିଟ୍ରେ ଏନେଇ ସୂଚନା ଦେଇଛନ୍ତି । ପୌର ଓ ଏନଏସି ନିର୍ବାଚନ ନେଇ ପ୍ରସ୍ତୁତି ଚାଲିଥିବା ବେଳେ ଖୁବଶୀଘ୍ର ନିର୍ବାଚନ ତାରିଖ ଓ ସଂଶୋଧିତ ୱାର୍ଡ ତାଲିକା ପ୍ରକାଶ ପାଇବ। ପଞ୍ଚ।ୟତ ନିର୍ବାଚନ ପରେ ଏନେଇ ତାରିଖ ଘୋଷଣା ହୋଇପାରେ ।