ପଶ୍ଚିମବଙ୍ଗ: ପଶ୍ଚିମବଙ୍ଗ ସରକାର ରାଜ୍ୟର ସମସ୍ତ ସରକାରୀ, ସରକାରୀ ଅନୁଦାନପ୍ରାପ୍ତ ଏବଂ ସ୍ୱୀକୃତିପ୍ରାପ୍ତ ମଦ୍ରାସାରେ ‘ବନ୍ଦେ ମାତରମ୍’ ଗାନକୁ ବାଧ୍ୟତାମୂଳକ କରିଛନ୍ତି। ଏହି ନୂଆ ନିର୍ଦ୍ଦେଶ ତୁରନ୍ତ ପ୍ରଭାବରୁ କାର୍ଯ୍ୟକାରୀ ହୋଇଥିବା ସୂଚନା ମିଳିଛି।
ରାଜ୍ୟ ସଂଖ୍ୟାଲଘୁ ବ୍ୟାପାର ଓ ମଦ୍ରାସା ଶିକ୍ଷା ବିଭାଗ ପକ୍ଷରୁ ଜାରି ହୋଇଥିବା ନିର୍ଦ୍ଦେଶ ଅନୁଯାୟୀ, ପ୍ରାର୍ଥନା ସଭା ସମୟରେ ‘ବନ୍ଦେ ମାତରମ୍’ ଗାନ କରିବା ଅନିବାର୍ୟ ହେବ। ଏହି ନିୟମ ସମସ୍ତ ସରକାରୀ ମଡେଲ ମଦ୍ରାସା, ସାହାଯ୍ୟପ୍ରାପ୍ତ ମଦ୍ରାସା, ଅନୁମୋଦିତ ମଦ୍ରାସା ଶିକ୍ଷା କେନ୍ଦ୍ର ଓ ଅଣ-ସହାୟତାପ୍ରାପ୍ତ ମଦ୍ରାସା ପାଇଁ ଲାଗୁ ହେବ। ରାଜ୍ୟର ସଂଖ୍ୟାଲଘୁ ବ୍ୟାପାର ଓ ମଦ୍ରାସା ଶିକ୍ଷା ମନ୍ତ୍ରୀ ଖୁଦିରାମ ଟୁଡୁ କହିଛନ୍ତି, ଅନ୍ୟ ସରକାରୀ ସ୍କୁଲରେ ଯେତେବେଳେ ‘ବନ୍ଦେ ମାତରମ୍’ ଗାନ ବାଧ୍ୟତାମୂଳକ, ସେତେବେଳେ ମଦ୍ରାସାଗୁଡ଼ିକରେ ମଧ୍ୟ ଏହାକୁ ଲାଗୁ କରାଯିବା ଆବଶ୍ୟକ। ଏହାପୂର୍ବରୁ ରାଜ୍ୟ ଶିକ୍ଷା ବିଭାଗ ସମସ୍ତ ସରକାରୀ ସ୍କୁଲରେ ମଧ୍ୟ ‘ବନ୍ଦେ ମାତରମ୍’ ଗାନକୁ ବାଧ୍ୟତାମୂଳକ କରିଥିଲା।