ଧର୍ମେନ୍ଦ୍ରଙ୍କୁ ୨୦ ପ୍ରଶ୍ନ ପଚାରିଲା ବିଜେଡି

ଭୁବନେଶ୍ୱର: କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ରାଜ୍ୟ ସରକାରଙ୍କ ବିରୋଧରେ ଆଣିଥିବା ଅଭିଯୋଗର ଆଜି ୨୦ ଟି ପ୍ରସଙ୍ଗ ଉଠାଇ ପ୍ରତିଜବାବ ମାଗିଛି ବିଜେଡି । ଆଇଟି ସେଲ୍‍ ମୁଖ୍ୟ ଅମର ପଟ୍ଟନାୟକ ଆଜି ସାମ୍ୱାଦିକ ସମ୍ମିଳନୀ କରି କହିଛନ୍ତି, ଉଜ୍ଜଳା ଯୋଜନାରେ କେନ୍ଦ୍ରମନ୍ତ୍ରୀ ଶ୍ରୀ ପ୍ରଧାନ ଏଯାଏ ତାଙ୍କ େଵବ୍‍ ସାଇଟ୍‍ରେ ହିତାଧିକାରୀଙ୍କ ତାଲିକା ଦେଉନାହାନ୍ତି । କେତେଜଣ ଗ୍ୟାସ ପାଇଛନ୍ତି, କେତେ ଜଣ ସିଲିଣ୍ଡର ରିଫିଲ୍‍ କରିଛନ୍ତି, ସେ ତଥ୍ୟ ନାହିଁ । ବିଜେଡି ତଥ୍ୟ କହୁଛି, ୮୦ ପ୍ରତିଶତ ହିତାଧିକାରୀ ସମ୍ୱଳ ଅଭାବରୁ ରିଫିଲ୍‍ କରିନାହାନ୍ତି । କେନ୍ଦ୍ରାପଡା ଓ ରାଜନଗରରେ ଭ୍ରଷ୍ଟାଚାରର ଗନ୍ଧ ନିଜେ ମାନିଛନ୍ତି ।
ଇଣ୍ଟର ନାସନାଲ ମାର୍କେଟରେ ଅଶୌଧିତ ତୈଳ ଦର ବ୍ୟାରେଲ ପିଛା ୧୧୨ ଡଲାର ଥିଲା । ଏବେ ୫୮ ଡଲାର ଅଛି । କିନ୍ତୁ ତେଲ ଦର ଅଧା ହୋଇପାରିନି । ଲାଭ ଟଙ୍କାରେ ବିଜେପି କ୍ୟାମ୍ପେନିଂ କରୁଛି । ରେଳବାଇ କ୍ଷେତ୍ରରେ କେନ୍ଦ୍ର ପ୍ରତିବର୍ଷ ୨୦ ହଜାର କୋଟି ନେଉଛି । ଓଡ଼ିଶାରେ କିନ୍ତୁ ୨ ହଜାର କୋଟି କେନ୍ଦ୍ର ଖର୍ଚ କରୁଛି । ଦିଲ୍ଲୀ, ଚଣ୍ଡୀଗଡ, ମଧ୍ୟପ୍ରଦେଶକୁ ନୂଆ କୋଚ, ଓଡ଼ିଶାକୁ କେବେ ବୋଲି ବିଜେଡି ପଚାରିଛି ।
ବିଜେଡି କହିଛି, ଜାତୀୟ ରାଜପଥ ୪ ଲେନ୍‍ ପାଇଁ ୪ ବର୍ଷ ଲାଗିଲା । ବର୍ଷା ହେଲେ ରାଜପଥ ଭାସୁଛି । ଭୁବନେଶ୍ୱର ବାସିନ୍ଦା ନାହିଁ ନଥିବା ଦୁର୍ଦଶାର ଶିକାର ହେଉଛନ୍ତି । ଆହାର ଯୋଜନାରେ କେନ୍ଦ୍ରୀୟ ସଂସ୍ଥା ଏମସିଏଲ୍‍, ଗେଲ୍‍ ପଛଘୁଞ୍ଚା ଦେଇଥିଲେ । ୨୦୧୫ରୁ କେନ୍ଦ୍ର କୋଇଲା ରୟାଲିଟି ସଂଶୋଧନ କରୁନଥିବାରୁ ରାଜ୍ୟ ୨ହଜାର କାଟି ବାର୍ଷିକ ହରାଉଛି । କେନ୍ଦ୍ର ପଇସା ନେଉଛି, ଓଡ଼ିଶା ପ୍ରଦୂଷଣ ଖାଉଛି । କ୍ଲିନ୍‍ ଏନର୍ଜି ସେସ୍‍ ନାଁରେ କେନ୍ଦ୍ର ଓଡ଼ିଶାରୁ ୨୧ ହଜାର କୋଟି ନେଇସାରିଲେଣି । ଟଙ୍କାଟିଏ ବି ଦେଲେନି । ଆଇଓସିଏଲ୍‍ ପ୍ରକଳ୍ପ ବାଜପେୟୀ ଶୁଭ ଦେଇଥିଲେ । ଉପା ସରକାର ସମୟରେ ହେଲା ଧର୍ମେ୍ରଙ୍କର ଅବଦାନ କଣ । କେତେ ଓଡ଼ିଆ ଏଠାରେ ଚାକିରି ପାଇଲେ । କେନ୍ଦ୍ର ସରକାର ଏମ୍‍ଏସପି କ୍ୱିଣ୍ଟାଲ ପିଛା ୨୯୩୦କୁ ବୃଦ୍ଧି କଲେନି କି ସ୍ୱାମୀନାଥନ୍‍ ରିପୋର୍ଟ ଲାଗୁ କରାଗଲାନି । ମହାନଦୀ ପ୍ରସଙ୍ଗରେ ହକ୍‍ ଓଡ଼ିଶା ସରକାର ସୁପ୍ରିମକୋର୍ଟକୁ ଯାଇ ଆଣିଲେ । ଛତିଶଗଡକୁ କେନ୍ଦ୍ରମନ୍ତ୍ରୀ ସମର୍ଥନ କରିଥିଲେ ।
କେବଳ ସେତିକି ନୁହେଁ, ବିଜେଡି ଆହୁରି କହିଛି, ନିର୍ବାଚନ ବେଳେ ବ୍ରାହ୍ମଣୀ ଦ୍ୱିତୀୟ ବ୍ରିଜ କରିବେ ବୋଲି କହିଥିଲେ । ହେଲାନି କାହିଁକି? ରାଉରକେଲାରେ ଇସ୍ପାତ ମେଡିକାଲ କଲେଜ ଓ ସୁପର ସ୍ପେସିଆଲିଟି ହସ୍ପିଟାଲ ପାଇଁ ପ୍ରତିଶ୍ରୁତି ଦେଇଥିଲା କେନ୍ଦ୍ର । ଏ ପର୍ଯ୍ୟନ୍ତ ହେଲାନାହିଁ କାହିଁକି? ଓଡ଼ିଶାକୁ ସ୍ୱତନ୍ତ୍ର ରାଜ୍ୟ ପାହ୍ୟା ଦାବି କ୍ଷେତ୍ରରେ ମିଥ୍ୟା ପ୍ରତିଶ୍ରୁତି କାହିଁକି? ପୋଲାଭରମ୍‍ରେ ମାଲକାନଗିରି ଜିଲ୍ଲା କ୍ଷତିଗ୍ରସ୍ତ ହେଉଛି । ଆନ୍ଧ୍ରକୁ ହଜାର ହଜାର କୋଟି କାହିଁକି? ୩୩ଟି ଯୋଜନାରେ ଅଂଶଧନ ବଦଳିଲା, ୮ଟି କାର୍ଯ୍ୟକ୍ରମରେ କେନ୍ଦ୍ର ଅନୁଦାନ ବନ୍ଦ କରିଦେଇଛି । ଟେଲିଫୋନ୍‍ ସେବା କ୍ଷେତ୍ରରେ ଦୟନୀୟ ସ୍ଥିତି ପାଇଁ ଦାୟୀ କିଏ? ନିର୍ବାଚନୀ ପ୍ରତିଶ୍ରୁତି ଅନୁସାରେ ୧୦ କୋଟି ଯୁବକ ଦେଶରେ ଚାକିରି ପାଇଥିଲେ, ଓଡ଼ିଶାର ଭାଗ ୩୬ଲକ୍ଷ ହୋଇଥାନ୍ତା । କୁଆଡେ ଗଲା ସେ ପ୍ରତିଶ୍ରୁତି? କେନ୍ଦ୍ରୀୟ ପିଏସୟୁ ୨୦ ହଜାର କୋଟି ରାଜ୍ୟରୁ ନେଉଛନ୍ତି । ଟଙ୍କାଟେ ଦେବେନି? ୨୦୧୪ରେ ପ୍ରତି ଆକାଉଣ୍ଟକୁ ୧୫ଲକ୍ଷ ପ୍ରତିଶ୍ରୁତି କୁଆଡେ ଗଲା? ଏ ସବୁ ପ୍ରଶ୍ନରର ଉତ୍ତର କେନ୍ଦ୍ରମନ୍ତ୍ରୀ ପ୍ରଥମେ ଦିଅନ୍ତୁ ବୋଲି ଶ୍ରୀ ପଟ୍ଟନାୟକ ଦାବି କରିଛନ୍ତି । ଏହି ସାମ୍ୱାଦିକ ସମ୍ମିଳନୀରେ ବିଜେଡି ମୁଖପାତ୍ର ସସ୍ମିତ ପାତ୍ର ମଧ୍ୟ ଉପସ୍ଥିତ ଥିଲେ ।