ଭୁବନେଶ୍ୱର: ସାମ୍ୱାଦିକ କପିଳେନ୍ଦ୍ର ପ୍ରଧାନଙ୍କୁ ଆକ୍ରମଣ ଘଟଣାରେ ଆଜି ସାମ୍ୱାଦିକମାନେ ପୁଲିସ ମହାନିର୍ଦେଶକ ଡାକ୍ତର ରାଜେନ୍ଦ୍ର ପ୍ରସାଦ ଭେଟି ପ୍ରତିବାଦ ଜଣାଇବା ସହିତ ତତ୍କାଳ କାର୍ଯ୍ୟାନୁଷ୍ଠାନ ଦାବି କରିଥିଲେ । ଶନିବାର କେଉଁଭଳି ପରିସ୍ଥିତିରେ ଅଶୋଭନୀୟ ଆଚରଣ ପ୍ରଦର୍ଶନ କରୁଥିବା କିଛି ଯୁବକଙ୍କୁ ବାରଣ କରାଯିବା ପରେ ସାମ୍ୱାଦିକଙ୍କୁ ଆକ୍ରମଣ କରାଗଲା ଓ ପୁଲିସ ନିରବଦ୍ରଷ୍ଟା ସାଜିଲା, ସେ ନେଇ ସାମ୍ୱାଦିକ ପ୍ରତିନିଧିମାନେ ଡିଜିଙ୍କୁ ତାଙ୍କ ଆବାସିକ କାର୍ଯ୍ୟାଳୟରେ ଜଣାଇଥିଲେ । ସାମ୍ୱାଦିକମାନଙ୍କୁ ବାରମ୍ୱାର ଆକ୍ରମଣ ଘଟଣାର ଏଥିରେ ଦୃଢ ନିନ୍ଦା କରାଯାଇଥିଲା । ବିନା କୌଣସି ଭୟରେ ଅଭିଯୁକ୍ତିମାନେ କିଭଳି ପୁଲିସ ସହିତ ଥଟ୍ଟାମଜା କରିଥିଲେ ସେ ନେଇ ସାମ୍ୱାଦିକମାନେ ବିସ୍ମୟ ପ୍ରକଟ କରିବା ସହିତ କମିସନରେଟ ପୁଲିସର ହୁଗୁଳା ବ୍ୟବସ୍ଥା ଆଡକୁ ଆଙ୍ଗୁଳି ଉଠାଇଥିଲେ । ଡିଜି ସ୍ମାରକପତ୍ର ଗ୍ରହଣ କରିବା ସହିତ ଅଭିଯୁକ୍ତଙ୍କୁ ତୁରନ୍ତ ଗିରଫ କରାଯିବ ବୋଲି ସାମ୍ୱାଦିକମାନଙ୍କୁ ପ୍ରତିଶ୍ରୁତି ଦେଇଥିଲେ । ଘଟଣାର ତଦନ୍ତ ଜଣେ ଦକ୍ଷ ଅଫିସରଙ୍କ ଦ୍ୱାରା କରାଯିବ ଓ ସବୁ ସିନେମା ହଲରେ ସୁରକ୍ଷା ଯାଞ୍ଚ ନେଇ ଖୁବ ଶୀଘ୍ର ପଦକ୍ଷେପ ନିଆଯିବ ବୋଲି ଶ୍ରୀ ଶର୍ମା ସାମ୍ୱାଦିକମାନଙ୍କୁ ସୂଚନା ଦେଇଥିଲେ ।
ଏହି ପ୍ରତିନିଧିଦଳରେ ବରିଷ୍ଠ ସାମ୍ୱାଦିକ କେ ରବି, ଗୋପାଳ ମହାପାତ୍ର, ଧୀରେନ୍ଦ୍ର ନାରାୟଣ ମିଶ୍ର, ଶିବ ମହାନ୍ତି, ପ୍ରଦ୍ୟୁମ୍ନ ଶତପଥୀ, ରାମଚଣ୍ଡୀ ପ୍ରସାଦ ସିଂହ, ପ୍ରବୀର ପ୍ରଧାନ ପ୍ରମୁଖ ସାମିଲ ହୋଇ ଡିଜିଙ୍କୁ ସ୍ମାରକ ପତ୍ର ପ୍ରଦାନ କରିଥିଲେ । ମିଳିଥିବ ସୂଚନା ଅନୁସାରେ, ପୁଲିସ ଏହି ଘଟଣାରେ ୩ ଜଣ ଛାତ୍ରଙ୍କୁ ଗିରଫ କରିଥିବା ସୂଚନା ମିଳିଛି ।
ପ୍ରମୁଖ ଖବର
୨୦୨୯ ସୁଦ୍ଧା ଭାରତ-ଇଟାଲୀ ବାଣିଜ୍ୟ ୨୦ ବିଲିୟନ ୟୁରୋ ଲକ୍ଷ୍ୟ
ଭାରତର ପ୍ରଥମ ସ୍ୱଦେଶୀ ବାର୍ଡ ଫ୍ଲୁ ଟିକା ବିକଶିତ
ନଭେମ୍ବର ୧୯ରେ ଶିଳ୍ପ ସମ୍ମିଳନୀ ଉଦ୍ଘାଟନ କରିବେ ମୋଦୀ
ଜବଲପୁର ରେଳ ଷ୍ଟେସନରେ ଅଗ୍ନିକାଣ୍ଡ, ପାର୍ସଲ ବଗିକୁ ବ୍ୟାପିଲା ନିଆଁ
ଉତ୍ତରପ୍ରଦେଶରେ ତୃତୀୟ ଥର ସରକାର ଗଠନ ନେଇ ଯୋଗୀଙ୍କ ଆଶା
ବିହାରରେ ସେନ୍କୋ ଗୋଲ୍ଡରୁ ୪୦ କୋଟିର ଅଳଙ୍କାର ଲୁଟ୍