ପ୍ରମୁଖ ଖବର

୧୮ ତାରିଖ ଦିନ ଖୋଲିବ ଭିତର ରତ୍ନଭଣ୍ଡାର, ସକାଳ ୯.୫୧ରୁ ୧୨.୧୫ ରହିଛି ଶୁଭ ମୂହୁର୍ତ୍ତ
ଶ୍ରୀମନ୍ଦିର ଭିତର ଭଣ୍ଡାରରେ ଥିବା ଅଳଙ୍କାର ଆଦିକୁ ସ୍ଥାନାନ୍ତର କରାଯିବ: ଶ୍ରୀମନ୍ଦିର ମୁଖ୍ୟ ପ୍ରଶାସକ
ଜାମ୍ମୁ ଓ କାଶ୍ମୀରରେ ଥମୁନି ଆତଙ୍କବାଦ, ଆର୍ମି ଅଫିସର ସମେତ ୪ ସହିଦ
ୟୁପି ଶିକ୍ଷକଙ୍କୁ ଆଶ୍ବସ୍ତି, ୨ ମାସ ପାଇଁ ସ୍ଥଗିତ ରହିଲା ଡିଜିଟାଲ ଉପସ୍ଥାନ
ସମ୍ବଲପୁର ଚିଡ଼ିଆଖାନାକୁ ଆସିବେ ୪ ମହାବଳ ବାଘ
ଓଡିଶା ଆସିବେ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡା: ଆସନ୍ତା ୧୯ ଓ ୨୦ ତାରିଖରେ ରାଜ୍ୟ ବିଜେପିର ପରିବର୍ଦ୍ଧିତ କାର୍ଯ୍ୟକାରିଣୀ ବୈଠକରେ ଯୋଗ ଦେବେ
କଟକ ଏସସିବି ମେଡିକାଲରେ ଉତ୍ତେଜନା ; ହାଉସ ସର୍ଜନ ଏବଂ ନର୍ସିଂ ଅଫିସର ମୁହାଁମୁହିଁ

ଚୀନ୍‍ ଆକାଶରେ ଝଲସିବ କୁତ୍ରିମ ଚନ୍ଦ୍ର

0

ବେଜିଂ: ଆଶ୍ଚର୍ଯ୍ୟ ହେଉଛନ୍ତି କି । ୨୦୨୦ ସୁଦ୍ଧା ଚୀନ୍‍ ଆକାଶରେ ଝଲସିବ ଆଉ ଏକ ଚନ୍ଦ୍ର । ସ୍ଥାନୀୟ ଅଞ୍ଚଳର ଏକ ଘରୋଇ କଂପାନି ଏମିତି ଘୋଷଣା କରିଛି । ଏହାକୁ ନେଇ ସମଗ୍ର ବିଶ୍ୱରେ ଚର୍ଚ୍ଚା ଆଲୋଚନା ଜୋର ଧରିଛି ।
ଖବର ଅନୁସାରେ, ଚୀନର ଚେଙ୍ଗଡୁ ସହରର ଏକ ଘରୋଇ କଂପାନି ୨୦୨୦ ସୁଦ୍ଧା ଷ୍ଟ୍ରିଟ୍‍ ଲାଇଟ୍‍ ବ୍ୟବସ୍ଥାର ଉଚ୍ଛେଦ ପାଇଁ ପାଗ ଭିଡିଛନ୍ତି । ସେଥିପାଇଁ ସେ ରାଜରାସ୍ତାକୁ ଆଲୋକିତ କରିବା ଲାଗି ଏକ ଉଜ୍ଜ୍ୱଳ କୁତ୍ରିମ ଚନ୍ଦ୍ର ସାଟେଲାଇଟ୍‍ ଲଞ୍ଚ କରିବେ । ଚେଙ୍ଗଡୁ ଏରୋସ୍ପେସ୍‍ ସାଇ୍‍ନ୍‍ସ ଏଣ୍ଡ ଟେକ୍ନୋଲୋଜି ସିଷ୍ଟମ୍‍ ରିସର୍ଚ୍ଚ ପ୍ରତିଷ୍ଠାନ କଂପାନି ପକ୍ଷରୁ ଏହି ଘୋଷଣା ହୋଇଛି । ତେବେ ଏହା ପଛରେ ଚୀନ୍‍ ସରକାରଙ୍କର ହାତ ରହିଛି କି ନାହିଁ, ତାହା ଜଣାପଡିନାହିଁ ।
ସଂସ୍ଥା ଦାବି କରିଛି ଯେ ଏହି କୁତ୍ରିମ ଚନ୍ଦ୍ର ଆକାଶର ବାସ୍ତବ ଚନ୍ଦ୍ର ଠାରୁ ଆଠଗୁଣ ଆଲୋକ ପ୍ରଦାନ କରିବ । ଏହା ୩୬୦୦ ବର୍ଗ କିଲୋମିଟରରୁ ୬୪୦୦ ବର୍ଗ କିଲୋମିଟର ଅଞ୍ଚଳକୁ ଆଲୋକିତ କରିବ । ୫୦ ବର୍ଗ କିଲୋମିଟର ଅଞ୍ଚଳକୁ ଯଦି ଏହି କୁତ୍ରିମ ଚନ୍ଦ୍ର ଆଲୋକ ପ୍ରଦାନ କରେ, ତେବେ ବିଦ୍ୟୁତ ଶୁଳ୍କ ଆଦି ବାବଦରେ ଭାରତୀୟ ମୁଦ୍ରାରେ ୧୨୭୧ କୋଟି ଟଙ୍କା ଖର୍ଚ୍ଚରୁ ସରକାରଙ୍କୁ ମୁକ୍ତି ମିଳିବ । ଭୂମିକମ୍ପ ଭଳି ପ୍ରାକୃତିକ ବିପର୍ଯ୍ୟୟ ସମୟରେ ଏହା ଅଧିକ ସହଯୋଗ କରିବ ବୋଲି ମଧ୍ୟ ସଂସ୍ଥା ଦାବି କରିଛି ।

Leave A Reply

Your email address will not be published.